Samantha : సమంతకు నయం కాని మయోసైటిస్ వ్యాధి.. షాకింగ్ నిర్ణయం తీసుకున్న సామ్..?

Samantha : ఇటీవల సమంత తాను కొంతకాలంగా మయోసైటిస్ వ్యాధితో బాధపడుతున్నానంటూ సోషల్ మీడియా వేదికగా వెల్లడించిన సంగతి తెలిసిందే. ఈ వ్యాధికి చికిత్స పొందుతున్న ఫొటోను కూడా ఆమె సోషల్ మీడియాలో షేర్ చేసింది. దీంతో ఎప్పటికప్పుడు సమంత ఆరోగ్య పరిస్దితి ఏమిటి.. ఆమె ఏ ట్రీట్మెంట్ తీసుకుంటోందనే విషయమై అభిమానులు ఆసక్తిగా చర్చలు జరుపుతున్నారు. ఈ వ్యాధి బారిన పడ్డానని సమంత ప్రకటించినప్పటి నుంచి.. సినీ పరిశ్రమ ప్రముఖులు, అభిమానులు ఆవేదనను వ్యక్తం చేశారు. సమంతకు ధైర్యం చెప్పారు.

ప్రస్తుతం సమంత షూటింగ్స్ కి గ్యాప్ ఇచ్చి రెస్ట్ తీసుకుంటుందని ఇటీవల కుటుంబ సభ్యులు తెలిపారు. అయితే తాజాగా సమంత మాయోసైటిస్ కి ఆయుర్వేద వైద్యం కోసం కేరళ వెళ్లిందని సమాచారం. సమంతకి మాయోసైటిస్ వచ్చాక అమెరికాలో ఒకసారి చికిత్స తీసుకుంది. అయితే మయోసైటిస్‌కు అమెరికాలో చికిత్స చేయించుకున్న సామ్ ఇండియాలో కూడా అదే ట్రీట్ మెంట్ కంటిన్యూ చేస్తుంది. అయితే ఇప్పుడు సమంత కేరళలో ఆయుర్వేద వైద్యంతో తగ్గుతుందని తెలిసి కేరళ వెళ్లినట్టు తెలుస్తుంది.

అయితే దీనిపై అధికారిక ప్రకటన లేదు. మరోవైపు సమంతకు ఇంగ్లీష్ మెడిసన్స్‌తో వ్యాధి నయం కాకపోవడం వల్లే.. ఆయుర్వేద వైద్యం తీసుకుంటుందని పలువురు జోరుగా చర్చించుకుంటున్నారు. సామ్ ప్రస్తుతం ఆరోగ్యంగానే ఉంది అని, సమంతపై వస్తున్న వార్తలు నమ్మొద్దని తను కోలుకుంటుందని చెప్పుకొచ్చారు సామ్ మేనేజర్. సమంత రీసెంట్ గా యశోద సినిమాతో ప్రేక్షకుల ముందుకు వచ్చింది. ఈ సినిమాతో మంచి విజయాన్ని అందుకుంది. అలాగే విజయ్ దేవరకొండతో కలిసి ఖుషి అనే సినిమా చేస్తుంది. గుణ శేఖర్ డైరెక్షన్ లో శాకుంతలం అనే సినిమాలో కూడా నటిస్తుంది సామ్.