Pavitra Lokesh : మా ఫోటోలు మార్ఫింగ్ చేసి వేధిస్తున్నారంటూ.. పోలీసులకు పవిత్రా లోకేష్ ఫిర్యాదు..

Pavitra Lokesh : పవిత్రా లోకేష్.. ఈ పేరు తెలుగు ప్రేక్షకులకు పరిచయం అవసరం లేదు. ఈ మధ్య కాలంలో పవిత్ర సినిమాల కన్నా ఎక్కువగా పర్సనల్ విషయాలు, వివాదాలతోనే బాగా పాపులారిటీ సంపాదించుకుంది. సీనియర్ నటుడు నరేష్‌తో పవిత్ర లోకేష్ సహజీవనం చేస్తున్నారంటూ వార్తలు వచ్చిన విషయం తెలిసిందే. అయితే ఈ విషయంపై వారిద్దరూ మీడియా ముందే మాట్లాడారు. దీంతో వీరిద్దరి వ్యవహారం ఇప్పుడు ఓపెన్ సీక్రేట్ అయ్యింది. ఆ తర్వాత వీరిద్దరిపై జోరుగా సోషల్ మీడియాలో ట్రోలింగ్ నడిచింది. ఇక ఇదే కాకుండా వీళ్లిద్దరూ పెళ్లి కూడా చేసుకున్నారంటూ అనేక కథనాలు వచ్చాయి.

ఈ వార్తలు నరేష్, పవిత్ర లోకేష్ ల వరకూ వెళ్ళింది. తమపై వస్తున్న వార్తలపై పవిత్ర లోకేష్ స్పందించారు. సోషల్ మీడియాలో కొందరు ఫేక్ అకౌంట్స్ క్రియేట్ చేసి తమకు ఇబ్బంది కలిగించేలా వార్తలను ప్రసారం చేస్తున్నారని గతంలో సైబర్ క్రైమ్ పోలీసులను ఆశ్రయించిన విషయం తెలిసిందే. ఇప్పుడు తాజాగా మరోసారి పవిత్ర లోకేష్.. సైబర్ క్రైమ్ పోలీసులను ఆశ్రయించారు. కొన్ని వెబ్ సైట్స్, టీవీ ఛానల్స్ తమపై ఫేక్ న్యూస్ ప్రచారం చేస్తున్నాయని సైబర్ క్రైమ్ పోలీసులకు ఫిర్యాదు చేశారు.

అభ్యంతరకరమైన కామెంట్స్ చేస్తూ.. ఫోటోలు మార్ఫింగ్ చేసి వైరల్ చేస్తున్నారని ఫిర్యాదులో పేర్కొన్నారు. మరీ ముఖ్యంగా కొన్ని మీడియా సంస్థలు పనిగట్టుకుని ఉద్దేశపూర్వకంగానే దుష్ప్రచారం చేస్తున్నాయని పవిత్ర లోకేష్ ఫిర్యాదులో పేర్కొన్నారు. పవిత్ర లోకేష్ ఫిర్యాదును స్వీకరించిన పోలీసులు కేసు నమోదు చేసుకుని దర్యాప్తు చేస్తున్నట్లుగా తెలిపారు. ఇదిలావుండగా ఈ మధ్యకాలంలో నరేష్ నటించిన పలు చిత్రాల్లో పవిత్ర లోకేష్ భార్యగా, చెల్లిగా చేశారు. తాజాగా వీరిద్దరు కలిసి అందరూ బాగుండాలి అందులో నేనుండాలి సినిమాలో కూడా కలిసి నటించారు.