Naresh : మా బంధానికి మ‌హేష్ కూడా గ్రీన్ సిగ్న‌ల్ ఇచ్చాడు.. న‌రేష్ స్ట‌న్నింగ్ కామెంట్స్..

Naresh : గతంలో పలు వివాదాల ద్వారా నరేష్- పవిత్ర జోడీ వార్తల్లో నిలిచింది. నరేష్ పవిత్ర కాంబినేషన్‌లో మళ్లీ పెళ్లి అనే మూవీతోఈ జంట ఇప్పుడు హాట్ టాపిక్ అయింది. నరేష్ పవిత్ర లోకేష్ తో సహజీవనం చేస్తున్నాడని 2022లో బయటపడింది. కానీ గత నాలుగేళ్లుగా వీరు కలిసే ఉంటున్నారు. కేవలం సన్నిహిత వర్గాలకు మాత్రమే ఈ విషయం తెలుసు. పవిత్ర లోకేష్‌ని నరేష్ పెళ్లి చేసుకోలేదు. అయితే ఆమె భార్యకు ఏమాత్రం తక్కువ కాదు. చెప్పాలంటే అంతకంటే ఎక్కువే అంటారు. రీసెంట్‌గా తాను ప‌విత్రని త్వ‌ర‌లోనే పెళ్లి చేసుకోబోతున్నాన‌ని చెప్పి షాకిచ్చాడు. చాలామంది ఇష్టం లేకపోయినా కేవలం సమాజం కోసం పెళ్లి అనే బంధంలో ఉంటున్నారు. అలాంటి వాళ్ల కోసమే ఈ సినిమా.

పెళ్లి అంటే తాళిబొట్టు, మెట్టెలు కాదు. అవి కేవలం సంకేతాలు మాత్రమే. పెళ్లి అంటే రెండు హృదయాలు కలవడం. నాకు పవిత్రకు ఇంకా పెళ్లి కాలేదు. కానీ మా మనసులు కలిశాయి. అందుకే మేము కలిసి హ్యాపీగా ఉంటున్నాం. త్వరలోనే పెళ్లి కూడా చేసుకుంటాం. దానికి మీ ఆశీస్సులు కావాలి అని చెప్పుకొచ్చాడు. అయితే లో నరేష్ కృష్ణ ఫ్యామిలీ పరువు తీస్తున్నారనే ఒక వాదన వినిపించింది. పెళ్లి చేసుకోకుండా నరేష్, పవిత్రలు కలిసి జీవించడాన్ని మహేష్, కృష్ణ ఎలా చూశారనే విషయాన్ని నరేష్ బయటపెట్టారు. ఆయన ప్రకారం వారు అంగీకరించారట. మహేష్, కృష్ణ, అమ్మ విజయనిర్మల మేమంతా ఒక కుటుంబం. ఒక మాట మీద ఉంటాం. మా కుటుంబం పవిత్ర లోకేష్ ని ఒప్పుకున్నారు, అని నరేష్ అన్నారు.

పవిత్ర లోకేష్ వంటలను కృష్ణ చాలా ఇష్టంగా తినేవారు అని న‌రేష్ చెప్పుకొచ్చాడు. మా మొత్తం కుటుంబానికి పవిత్ర ఫుడ్ ప్రిపేర్ చేయగలదు. అందరూ పవిత్రను అంగీకరించినందుకు నేను చాలా హ్యాపీ అని నరేష్ అన్నారు. గత ఏడాది కృష్ణ మరణించిన నేపథ్యంలో పవిత్ర-నరేష్ అన్నీ తానై వ్యవహరించారు. భౌతిక కాయం వద్ద ఏర్పాట్లు చూసుకున్నారు. కాగా, నరేష్ కి మూడో భార్య రమ్య రఘుపతితో విడాకులు కాలేదు. కాబట్టి మరో వివాహం చేసుకోవడానికి వీలులేదు. అయితే ఇటీవల సుప్రీం కోర్ట్ వెలువరించిన తీర్పు తనకు అనుకూలమని నరేష్ చెప్పడం కొస‌మెరుపు. అంటే తనకు ఇష్టం వచ్చిన వాళ్ళను వివాహం చేసుకునే హక్కు తనకుందని నరేష్ పరోక్షంగా చెప్ప‌క‌నే చెప్పారు.