Bimbisara : బింబిసార మూవీ ఓటీటీలో.. ఎందులో.. ఎప్పుడు అంటే..?

Bimbisara : నంద‌మూరి హీరో క‌ళ్యాణ్ రామ్ కొన్నాళ్లుగా స‌రైన స‌క్సెస్‌లు లేక నీర‌సించి పోయిన స‌మ‌యంలో బింబిసార చిత్రం విడుద‌లై పెద్ద విజ‌యం సాధించింది. ఫాంట‌సీ యాక్ష‌న్ చిత్రంగా రూపొందిన ఈ మూవీకి మల్లిడి వశిష్ట దర్శకత్వం వహించారు. ఎలాంటి అంచనాలు లేకుండా థియేటర్లలో గ్రాండ్ గా రిలీజ్ అయిన ఈ చిత్రానికి ప్రేక్షకులు బ్రహ్మరథం పట్టారు. తొలిసారిగా చక్రవర్తి పాత్రలో నటించిన కళ్యాణ్ రామ్ అద్భుతమైన పెర్ఫామెన్స్ తో ఆకట్టుకున్నాడు. ద్విపాత్రాభినయంతో అభిమానుల మ‌న‌సులు కొల్ల‌గొట్టాడు.

దర్శకుడు మల్లిడి వశిష్ఠ కూడా ప్రతి ఫ్రేమ్ ను ఆసక్తికరంగా చిత్రీకరించడంతో సినిమాకు ప్రేక్షకుల ఆదరణ దక్కింది. ఇందులో భీమ్లా నాయక్ బ్యూటీ సంయుక్త మీనన్.. కేథరిన్ కీలకపాత్రలలో నటించారు. అంతేకాకుండా కళ్యాణ్ రామ్ కెరీర్‏లోనే అత్యంత ఎక్కువ వసూళ్లు రాబట్టిన చిత్రంగా నిలిచింది. ఇక ఈ సినిమా ఎప్పుడెప్పుడు ఓటీటీలోకి రాబోతుందా ? అని ఎదురుచూస్తున్నారు ప్రేక్షకులు. అయితే తాజా సమాచారం ప్రకారం ఈ సినిమా ఓటీటీ స్ట్రీమింగ్ హక్కులను జీ5 సొంతం చేసుకున్నట్లు తెలుస్తోంది. దసరా కానుకగా అక్టోబర్ 7 నుంచి స్ట్రీమింగ్ కానుంది.

మరోవైపు బ్లాక్ బస్టర్ హిట్ చిత్రం కార్తికేయ 2 సైతం జీ5లో అక్టోబర్ 5న స్ట్రీమింగ్ కానుంది. ఈ క్ర‌మంలో బింబిసార చిత్రాన్ని అక్టోబ‌ర్ 7న స్ట్రీమింగ్ చేయ‌బోతున్న‌ట్టు స‌మాచారం. కళ్యాణ్‌రామ్ కెరియర్ లోనే అత్యధిక వసూళ్లు కొల్లగొట్టిన సినిమాగా బింబిసార‌ రికార్డుల్లో నిలిచిపోయింది. రూ.65 కోట్లకు పైగా గ్రాస్ కొల్లగొట్టిన బింబిసార రూ.35 కోట్ల షేర్ రాబట్టింది. ఇప్పటికీ ఈ సినిమా కొన్ని సెంటర్లలో రన్ అవుతోంది. అతి త్వ‌ర‌లో ఓటీటీలోకి రాబోతున్న ఈ సినిమా ఎలాంటి సెన్సేష‌న్స్ క్రియేట్ చేస్తుందో చూడాలి.