Srihari : శ్రీ‌హ‌రిని చాలా మంది మోసం చేశారు.. చిరంజీవి, బాల‌కృష్ణ మాత్ర‌మే మంచి వారు.. డిస్కోశాంతి సంచ‌ల‌న వ్యాఖ్య‌లు..

Srihari : రియ‌ల్ స్టార్ శ్రీహ‌రి వైవిధ్య‌మైన సినిమాల‌తో తెలుగు ప్రేక్ష‌కుల గుండెల్లో చెర‌గ‌ని ముద్ర వేసుకున్న విష‌యం తెలిసిందే. సినిమానే ప్రాణంగా బ్ర‌తికిన ఆయ‌న సినిమా షూటింగ్ స‌మ‌యంలో క‌న్నుమూయ‌డం బాధాక‌రం. ఎన్నో సినిమాలు చేసిన శ్రీహ‌రి తాను సంపాదించింది ఏమీ లేదు. ఎక్కువ‌గా దాన ధ‌ర్మాల‌కే ఖ‌ర్చు పెట్టాడు. ఇక చాలా మంది ఇవ్వాల్సిన రెమ్యున‌రేష‌న్ కూడా ఇవ్వ‌కుండా మోసం చేశారంటూ తాజాగా డిస్కో శాంతి సంచ‌ల‌న వ్యాఖ్య‌లు చేసింది. మాకు రెమ్యూనరేషన్ కరెక్ట్ గా వచ్చి ఉంటే నేను ఒక పది ఇళ్ల‌ను కొని ఉండేదాన్ని అని ఆమె వాపోయారు.

శ్రీహరి చనిపోయిన తర్వాత అప్పులు ఉంటే నగలన్నీ అమ్మేసి తీర్చేశాను అని అలాగే కార్లు కూడా అమ్మేశాను అని వివరించారు. శ్రీహరి సినిమాలో నటించే సమయంలో చిరంజీవి గారి సంస్థ అలాగే రెండు మూడు సంస్థలు మాత్రమే రెమ్యూనరేషన్ కరెక్ట్ గా ఇచ్చేవారన్నారు. శ్రీహరి బావకి సినిమా అంటే పిచ్చి ఉండడంతో డబ్బులు ఇవ్వకపోయినా సినిమాలు చేసే వారు. శ్రీహరి ఉన్నప్పుడు అందరూ తమ ఇంటికి వచ్చే వారని కానీ ఇప్పుడు పట్టించుకునే వారు లేరన్నారు.

బాల‌కృష్ణ అప్ప‌ట్లో ఫోన్ చేసి మా బాగోగులు అడిగి తెలుసుకున్నారు. ఏమ‌న్నా సాయం కావాలా అని అడిగారు. ఆ మ‌ధ్య నా భ‌ర్త ఏకంగా రూ.500 కోట్లు సంపాదించి పెట్టి వెళ్లిపోయాడు అంటూ కొన్ని మీడియా సంస్థ‌లు రాశారు. అది చూసి బాధ ప‌డ్డాన‌ని చెప్పింది డిస్కో శాంతి. నిజంగానే శ్రీ‌హ‌రి తనకు రూ.500 కోట్ల ఆస్తులను ఇచ్చాడ‌ని నిరూపిస్తే.. అందులో రూ.300 కోట్లు వాళ్ల‌కే ఇచ్చేస్తానంటూ ఓపెన్ ఆఫ‌ర్ ఇచ్చింది. ఏదేమైనా భ‌ర్త చ‌నిపోయిన త‌ర్వాత తమ కుటుంబం ఎలాంటి ఇబ్బందులు ప‌డ‌కుండా ఉండ‌డానికి తన ఆస్తులను తాకట్టు పెట్ట‌డం అంద‌రినీ బాధిస్తుంది.