YS Sharmila : కొడుకు, కూతురికి ఆస్తులు పంచిన ష‌ర్మిళ‌.. ఎన్నిక‌లు స‌మీపిస్తున్న స‌మ‌యంలో అల‌ర్ట్..

YS Sharmila : తెలంగాణ అసెంబ్లీ ఎన్నికలకు సమయం సమీపిస్తున్న నేపథ్యంలో వైఎస్ షర్మిల అల‌ర్ట్ అవుతుంది. రీసెంట్‌గా ఇడుపులపాయలో తనపేరుపై ఉన్న కొన్ని ఆస్తులను తన కుమారుడు రాజారెడ్డి, కూతురు అంజలీల పేరుపై వైయస్ షర్మిల రిజిస్ట్రేషన్ చేయించారు. సడెన్‌గా షర్మిల తనపై ఉన్న ఆస్తులను కొడుకు, కూతురు పేరు మీదకు మార్చడం ఇప్పుడు రాజ‌కీయ వ‌ర్గాల‌లో చ‌ర్చనీయాంశం అయింది. హైదరాబాద్ నుంచి ప్రత్యేక విమానంలో కడపకు చేరుకున్న షర్మిల వెంటనే వేంపల్లెలో ఉన్న సబ్ రిజిస్ట్రార్ కార్యాలయానికి చేరుకున్నారు.

సబ్ రిజిస్ట్రార్ కార్యాలయంలో అప్పటికే సిద్ధంగా ఉన్న డాక్యుమెంట్ల మీద కొడుకు, కూతురితో కలిసి ఆమె సంతకాలు చేశారు. గతంలో తాను కొనుగోలు చేసిన ఒక నిమ్మతోటను సైతం కుమార్తె పేరు మీదనే రిజిస్ట్రర్ చేయించారు షర్మిల. త‌నపై ఉన్న ఆస్తులను కొన్నింటిని తన కొడుకు, కూతురు పేర్లకు బదలాయించడం చక చకా జరిగిపోయాయి. ఇడుపులపాయలో ఉన్న 9 ఎకరాల 50 సెంట్ల స్థలాన్ని కుమారుడు వైఎస్ రాజారెడ్డి పేరు మీదు రిజిస్ట్రేషన్ చేయించారు. అంతేకాకుండా 2 ఎకరాల 12 సెంట్ల స్థలాన్ని కుమార్తె అంజలి పేరు మీద రిజిస్ట్రేషన్ చేయించారు షర్మిల.

స‌డెన్ గా ష‌ర్మిల చేసిన ఈ పని ఇప్పుడు రాజ‌కీయ వ‌ర్గాల‌లో హాట్ టాపిక్‌గా మారింది. ఎన్నికలు ద‌గ్గ‌ర‌కు వ‌స్తున్న నేప‌థ్యంలో ష‌ర్మిల తన ఆస్తుల‌ని బ‌ద‌లాయించిందా, లేక పిల్లలు యుక్త వయసుకి రావడంతో ఈ పని చేశారా? అన్నది తెలియాల్సి ఉంది. ఇక షర్మిల సబ్ రిజిస్టర్ కార్యాలయం వద్దకు రావడంకో స్దానికులు అక్కడికి పెద్ద సంఖ్యలో చేరుకున్నారు. ఇక ఈ రోజు వైఎస్ రాజశేఖర రెడ్డి జయంతి వేడుకల్లో ష‌ర్మిళ పాల్గొంటారు. ఇక త‌న పార్టీని ష‌ర్మిళ కాంగ్రెస్‌లో విలీనం చేయ‌నుంద‌నే టాక్ కూడా వినిపిస్తుంది.