YS Sharmila : చెల్లెమ్మ అని ప్రేమగా పిలిచిన జగన్.. షర్మిలక్క రియాక్ష‌న్ ఏంటంటే..!

YS Sharmila : వైఎస్ జ‌గ‌న్, ష‌ర్మిల వ్య‌వహారం రెండు తెలుగు రాష్ట్రాలలో హాట్ టాపిక్‌గా మారింది. ఒకే ఇంటికి చెందిన వీరిరివురి మ‌ధ్య విబేధాలు ఉన్నాయ‌ని కొంద‌రు చెబుతున్న‌మాట‌. ఇది పలు సంద‌ర్భాల‌లో క‌నిపించింది. ష‌ర్మిల తెలంగాణ‌లో పార్టీ పెట్టాక వీరిద్ద‌రు క‌లిసి కనిపించిన సంద‌ర్భాలు త‌క్కువ‌. వైఎస్ ఆర్ జ‌యంతి సంద‌ర్భంగా సీఎం జగన్… తల్లి విజయమ్మ, సతీమణి భారతితో కలిసి వైఎస్ ఘాట్ వద్ద దివంగత నేత వైఎస్ఆర్ కు నివాళులు అర్పించారు. అంతకు ముందు వైఎస్ షర్మిల కుటుంబ సభ్యులతో కలిసి వైఎస్ఆర్ సమాధి వద్ద నివాళులు అర్పించారు.శనివారం ఉదయం వైఎస్సార్‌టీపీ అధినేత్రి వైఎస్ షర్మిల కుటుంబ సభ్యులతో కలిసి తన తండ్రి వైఎస్ఆర్ సమాధి వద్ద నివాళులర్పించారు.

ప్రతి సంవత్సరం జగన్, షర్మిల కలిసే ఇడుపులపాయలో వైఎస్ ఘాట్ వద్ద వైఎస్ఆర్ జయంతి కార్యక్రమంలో పాల్గొనేవారు. ఈసారి మాత్రం ఎవరికివారు వేర్వేరు సమయాల్లో వచ్చి నివాళులర్పించారు. వేరు వేరుగా నివాళులు అర్పించడం ఇప్పుడు చర్చనీయాంశంగా మారింది. గతేడాది వైఎస్సార్ జయంతి రోజు కుటుంబం అంతా కలిసి నివాళులు అర్పించారు. వైయస్ వర్థంతి సందర్భంగా ఒకేసారి నివాళులర్పించినా..జగన్, షర్మిల మాట్లాడుకున్న సందర్భం కనపడలేదు. అయితే అంత‌క‌ముందు ఏడాది మాత్రం జ‌గ‌న్ ష‌ర్మిల ఇద్ద‌రు ఒకే కారులో క‌లిసి వ‌చ్చారు. అన్న‌య్య ప‌క్క‌నే చెల్లెమ్మ కూర్చోవ‌డం చూసి ప్ర‌తి ఒక్క‌రు సంతోషించారు.

ఇక ఇప్పటికే జగన్, షర్మిల మధ్య విభేదాలున్నాయనే ప్రచారం జరుగుతోంది. మరోవైపు షర్మిల వైఎస్ఆర్ టీపీని కాంగ్రెస్ పార్టీ లో విలీనం చేస్తారనే ఊహాగానాలు కూడా జోరందుకున్నాయి. షర్మిలతో పాటు కాంగ్రెస్ పెద్దలు ఇడుపులపాయకు వస్తారని.. అక్కడే.. హస్తం పార్టీలో విలీనంపై షర్మిల తన అభిప్రాయాన్ని చెబుతుంద‌నే చ‌ర్చ కాగా, అలాంటిదేమి లేదు. కాక‌పోతే వైఎస్సాఆర్ జ‌యంతి రోజున ష‌ర్మిల రాహుల్ గాంధీ నాయకత్వం గురించి త‌న ట్వీట్‌లో ప్రస్తావించడం మాత్రం రాజకీయ వర్గాల్లో ఆసక్తికర చర్చకు తావిచ్చింది. వైఎస్ కుటుంబం.. మరీ ముఖ్యంగా వైఎస్ షర్మిల, విజయమ్మ కాంగ్రెస్‌కు దగ్గరవుతున్నారనే ప్రచారానికి మరింతగా షర్మిల ట్వీట్ అవకాశం ఇచ్చింది.