శృతిహాస‌న్‌ని బాల‌య్య బెదిరించ‌డం వ‌ల్ల‌నే వాల్తేరు వీర‌య్య ఈవెంట్‌కి రాలేదా?

ఈ సంక్రాంతికి రెండు పెద్ద సినిమాలు బాక్సాఫీస్ ద‌గ్గ‌ర సంద‌డి చేసేందుకు సిద్ధంగా ఉన్నాయి. బాల‌కృష్ణ న‌టించిన వీర‌సింహారెడ్డి జ‌న‌వ‌రి 12న విడుద‌ల కాగా, జ‌న‌వ‌రి 13న చిరంజీవి న‌టించిన వాల్తేరు వీర‌య్య చిత్రం రిలీజ్ కానుంది. రిలీజ్ డేట్ ద‌గ్గ‌ర ప‌డుతున్న నేప‌థ్యంలో మూవీకి సంబంధించిన ప్ర‌మోష‌న్ కార్య‌క్ర‌మాలు వేగవంతం చేశారు. నిన్న విశాఖపట్నంలో అత్యంత ఘనంగా జరిగిన వాల్తేరు వీరయ్య ప్రీ రిలీజ్ వేడుక జ‌రిగింది. ఈ కార్య‌క్ర‌మంలో మెగాస్టార్ చిరంజీవి కీలకమైన వ్యాఖ్యలు చేశారు. ఈవెంట్‌కు గైర్హాజరైన శృతిహాసన్‌ను ఎవరో బెదిరించారంటూ చిరంజీవి చెప్పడం కలకలం రేపుతోంది.

వీర‌సింహారెడ్డి, వాల్తేరు వీర‌య్య చిత్రాల‌లో శృతి హాస‌న్ క‌థానాయిక‌గా న‌టిస్తున్న విష‌యం తెలిసిందే. ఇటీవ‌ల జ‌రిగిన వీర‌సింహారెడ్డి మూవీ ఈవెంట్‌లో శృతి సంద‌డి చేసింది. ఇక వాల్తేరు వీర‌య్య ఈవెంట్‌కు హాజరు కావల్సిన శృతిహాసన్ ఎందుకు హాజరుకాలేదు. ఈ విషయంపై చిరు కీలక విషయాలు వెల్లడించారు. ఆరోగ్యం బాగాలేదని శృతిహాసన్ తనకు ఫోన్ చేసి చెప్పిందన్నారు. కానీ ఆ అమ్మాయిని ఈవెంట్‌కు రాకుండా ఎవరో బెదిరించారంటూ చిరంజీవి సంచలన వ్యాఖ్యలు చేశారు. ఒంట్లో నలతగా ఉందని చెప్పిందన్నారు. కరోనా కాకుండా ఉండాలని కోరుకుంటున్నానని ఆమె పేర్కొన్న‌ట్టు చిరు చెప్పారు.

అసలు తన ఒంగోలులో ఏం తినిందో ఏంటో లేదంటు ఆమెను ఎవరైనా బ్లాక్ మెయిల్ ఏమన్నా చేశారేమో,” అంటూ శృతిహాసన్ గురించి జోక్ చేశారు చిరంజీవి. దీంతో అక్కడున్న ప్రేక్షకులు కూడా నవ్వేశారు. సినిమాలో శృతిహాసన్ అద్భుతంగా నటించిందని..చలిలో వణుకుతూ శ్రీదేవి పాటలో మెరిసిందన్నారు. అంత చలిలో కూడా చీరలో శృతిహాసన్ చేసిన స్టెప్పులకు హ్యాట్సాఫ్ అన్నారు. కేఎస్ రవీంద్ర అలియాస్ బాబీ దర్శకత్వం వహిస్తున్న వాల్తేరు వీరయ్య జనవరి 13న థియేటర్లలో విడుదల కాబోతోంది. మాస్ మహారాజా రవితేజ కూడా ఈ సినిమాలో కీలక పాత్రలో కనిపించనున్నారు.