ఇత‌ర ప్లేయ‌ర్స్ క‌న్నా దినేష్ కార్తీక్ ధ‌రించే హెల్మెట్ భిన్నంగా ఉంటుంది.. ఎందుకో తెలుసా..?

కెరీర్ ముగిసింద‌నుకున్న స‌మ‌యంలో జ‌ట్టులో ఛాన్స్ ద‌క్కించుకొని అద్భుత‌మైన ప్ర‌ద‌ర్శ‌న క‌న‌బ‌రుస్తూ వ‌ర‌ల్డ్ క‌ప్‌లో కూడా చోటు ద‌క్కించుకున్న క్రికెట‌ర్ దినేష్ కార్తీక్. 37 ఏళ్ల వయసులో భారత జట్టులో చోటు ద‌క్కించ‌కున్న దినేష్ కార్తీక్ అద్భుతంగా రాణిస్తూ ఫినిషిర్ పాత్ర పోషిస్తూ ఉన్నాడు.ఇక టి20 ప్రపంచ కప్ లో అయితే ఇప్పటి వ‌ర‌కు చెప్పుకోద‌గ్గ ప్ర‌ద‌ర్శ‌న అయితే చేయ‌లేదు. తన అద్భుతమైన ఇన్నింగ్స్ తో వార్తల్లో నిలుస్తున్న దినేష్ కార్తీక్ ఇప్పుడు తన హెల్మెట్ డిజైన్ తో కూడా వార్తల్లోకి వచ్చాడు.

సాధారణంగా క్రికెట్ అభిమానులు ఆటగాళ్లకి సంబంధించిన‌ ప్రతి విషయాన్ని క్షుణ్ణంగా పరిశీలిస్తూ ఉంటారు. వాళ్లు ఎలాంటి దుస్తులు ధరించారు. ఎలాంటి హెల్మెట్ పెట్టుకున్నారు అన్న విషయాన్ని కూడా చూస్తూ ఉంటారు. ఈ క్రమంలోనే ఇటీవల దినేష్ కార్తీక్ ధరించిన హెల్మెట్ గురించి ఆసక్తికర చర్చ జరుగుతూ ఉంది. జెర్సీ రంగు మారిపోయిన నేపథ్యంలో అటు హెల్మెట్ రంగు కూడా మార్చాడు దినేష్ కార్తీక్. ఇక ఈ హెల్మెట్ మ‌ధ్య లో ఖాళీలు ఎక్కువ‌గా క‌నిపిస్తున్నాయి. ఇలా ఉండ‌డం వ‌ల‌న సౌక‌ర్య‌వంతంగా ఉంటుంద‌ట‌. అంతేత‌ప్ప దినేష్ ఈ హెల్మెట్ ధ‌రించ‌డం వెన‌క ప్ర‌త్యేక కార‌ణం ఏమి లేదు. అప్ప‌ట్లో వికెట్ కీపింగ్ చేసేట‌ప్పుడు కూడా ప్ర‌త్యేకమైన హెల్మెట్ ధ‌రించే వాడు.

క్రికెట్ రూల్స్‌కి అనుగుణంగానే హెల్మెట్స్ వాడాల్సి ఉంటుంది. గతంలో కుమార సంగకర, కెవిన్ పీటర్సన్ లాంటి వాళ్లు కూడా ధరించేవారు అని చెప్పాలి. దినేష్ హెల్మెట్‌లో రంధ్రాలు ఎక్కువ‌గా ఉండ‌డం వ‌ల‌న చెమటలు పట్టిన రంద్రాల నుంచి గాలి వెళ్లడం కారణంగా చెమటలు ఆవిరయ్యే అవకాశం ఉంటుంది. ఇక ఈ కారణంగానే దినేష్ కార్తీక్ ఈ హెల్మెట్ ధరిస్తూ ఉన్నాడట.

కాగా, ఐపీఎల్‌లో అద్భుత ప్ర‌ద‌ర్శ‌న చేయ‌డంతో దినేష్ కార్తీక్‌కి టీమిండియాలో ఛాన్స్ వ‌చ్చింది. ఈ ఏడాది ఐపీఎల్ సీజన్ లో ఎలాంటి అంచనాలు లేకుండా బరిలోకి దిగిన దినేష్ కార్తీక్ 14 మ్యాచుల్లో వేగంగా 283 పరుగులు చేశాడు. చివరి లో వచ్చి అదిరిపోయే ఫినిషింగ్ ఇచ్చి ఒంటిచేత్తో గెలిపించాడు దినేష్ కార్తీక్. దీంతో అందరూ అనుకున్నట్టుగానే అతనికి టీమిండియాలో అవకాశం దక్కింది అని చెప్పాలి. దీంతో అభిమానులు ఆనందంలో మునిగిపోయారు.