Chiranjeevi : ఆస్తుల‌ను అమ్ముకోవాల్సిన అవ‌స‌రం చిరంజీవికి ఏమొచ్చింది..? ఎందుక‌లా చేశారు..?

Chiranjeevi : ఒక్కో సినిమాకు రూ.50 కోట్ల పారితోషికం తీసుకుంటాడు. పైగా ఇప్పుడు ఒకేసారి నాలుగు సినిమాలు చేస్తున్నాడు. అంటే దాదాపు రూ.200 కోట్ల పారితోషికం అన్నమాట. అలాంటి చిరంజీవికి ఆస్తులు అమ్ముకోవాల్సిన అవసరం ఏముంది ? అయినా చిరంజీవి ఆస్తులు అన్నీ లెక్క కడితే ఏకంగా వేల కోట్లు ఉంటాయి కదా.. అలాంటప్పుడు ప్రాపర్టీస్ అమ్ముకొనేంత అవసరం ఏమొచ్చింది.. అసలు ఇందులో నిజం ఎంత ఉంది..? ప్రస్తుతం ఈ విషయంపై సోషల్ మీడియాలో బాగా గట్టిగా చర్చ జరుగుతుంది. గాడ్ ఫాదర్ సినిమా సక్సెస్ మీట్ లో ఆ చిత్ర నిర్మాత ఎన్ వి ప్రసాద్ చేసిన కామెంట్స్ ఇప్పుడు వైరల్ అవుతున్నాయి.

చిరంజీవి ఆస్తులు అమ్ముకున్నాడు.. చెన్నైలో ఆయనకు ఉన్న ఒక ప్రాపర్టీ అమ్ముకొని పార్టీని నడపాల్సి వచ్చింది అంటూ ఆయన చేసిన కామెంట్స్ ఇప్పుడు సెన్సేషన్ క్రియేట్ చేస్తున్నాయి. అయితే చిరంజీవి ఆస్తులు అమ్ముకున్నది ఇప్పుడు కాదు.. ప్రజారాజ్యం సమయంలో నాటి పరిస్థితుల గురించి మరోసారి మీడియా ముందు వివరించాడు నిర్మాత ఎన్ వి ప్రసాద్. 2008లో ప్రజారాజ్యం పార్టీ పెట్టిన చిరంజీవి.. 2009లో పోటీ చేశాడు. ఆ ఎన్నికల్లో 18 సీట్లు గెలిచి దారుణ పరాజయం పాలయ్యాడు మెగాస్టార్.

ఆ సమయంలో సీట్లు అమ్ముకున్నాడు.. పార్టీ పేరు చెప్పి వేల కోట్లు వెనకేసుకున్నాడు అంటూ చిరంజీవి పై ఎన్నో అభియాగాలు కూడా వచ్చాయి. అయితే దీనిపై ఏరోజు కూడా చిరంజీవి నోరు తెరిచి మాట్లాడలేదు. మూడు సంవత్సరాలు ప్రజారాజ్యం పార్టీని నడిపిన తర్వాత.. కాంగ్రెస్ లో విలీనం చేశాడు. ఆ తర్వాత మూడు సంవత్సరాల పాటు కేంద్ర మంత్రిగా ఉన్న ఈయన.. ఇప్పుడు మళ్ళీ ఇండస్ట్రీకి వచ్చి వరుసగా సినిమాలు చేస్తున్నాడు.

ఇదిలా ఉంటే ప్రజారాజ్యం పార్టీ ఓడిపోయిన తర్వాత మూడు సంవత్సరాలు దాన్ని నడపడానికి చెన్నైలో ప్రసాద్ ల్యాబ్ పక్కన ఉన్న ఆయన ప్రాపర్టీస్ ని అమ్ముకున్నాడు అని నిర్మాత ఎన్.వి.ప్రసాద్ సెన్సేషనల్ కామెంట్స్ చేశాడు. ఒకవేళ ఆయన పార్టీ నుంచి అన్ని వేల కోట్లు సంపాదిస్తే.. ఆస్తులు అందుకోవాల్సిన అవసరం ఏముంది అనేది ఆ నిర్మాత చెప్పిన అంతరార్థం. విషయం ఏదైనా కూడా చిరంజీవి ఆస్తులు అమ్ముకున్నాడు అనేది మాత్రమే ఇప్పుడు సోషల్ మీడియాలో బాగా వైరల్ అవుతుంది.

అది ఆయనను అభిమానించే వాళ్లకు కూడా అంతగా మింగుడు పడని విషయం. అయితే ప్రజారాజ్యం పార్టీ సమయంలో ఆయన సీట్లు అమ్ముకొని అన్యాయంగా డబ్బులు సంపాదించాడు అనే విషయంపై మాత్రం ఇంతవరకు చిరంజీవి స్పందించలేదు. దీనిపై కూడా క్లారిటీ ఇస్తే బాగుంటుందని అభిమానులు కోరుతున్నారు.