YS Jagan : 2029లో జ‌గ‌న్ ప‌రిస్థితి ఏంటి..? క్లియ‌ర్‌గా చెప్పేశారుగా..!

YS Jagan : ఆంధ్రప్రదేశ్ అసెంబ్లీ ఎన్నికల్లో ఎన్డీఏ కూటమికి 150కి పైగా సీట్లు వస్తాయని కేకే సర్వే అంచనా వేసింది. ఇక ఈ సర్వే చూసి అటు వైసీపీ నాయకులు.. అసలు ఈ సర్వే ఎక్కడిది.? ఎవరు నమ్మలేరని.? అని అంటూ విమర్శలు గుప్పించారు. కానీ అసెంబ్లీ ఎన్నికల ఫలితాలు చూస్తే.. ఆ సర్వే అంచనాలు నిజమయ్యాయి. మొత్తంగా 175 అసెంబ్లీ స్థానాల్లో టీడీపీ 135 స్థానాలు గెలవగా.. జనసేన 21, బీజేపీ 8 స్థానాల్లో అఖండ విజయం సాధించాయి. అటు వైసీపీ కేవలం 11 స్థానాలకు మాత్రమే పరిమితమైంది. దీంతో ప్రస్తుతం ఆయన గురించే సోషల్ మీడియాలో తెగ చర్చ జ‌రుగుతుంది. కేకే సర్వే ఒక్కడే ఏపీలో కూటమి సునామీని ఊహించారని పొగడ్తలతో ముంచెత్తారు.

ఏపీ ఎన్నికల్లో కూటమి ఘన విజయంపై కేకే స్పందించారు. ఎన్నికల్లో కూటమి సునామీ సృష్టిస్తుందని తాను అంత కచ్చితంగా ముందే చెప్పడానికి కారణం ఏంటనే దానిపై కూడా ఆయ‌న స్పందించారు. క్షేత్రస్థాయిలో పర్ఫెక్ట్ సర్వేతోనే ఇది సాధ్యమైందని వెల్లడించారు.”సర్వే కంపెనీలు మార్జిన్ పెట్టుకుంటాయి. మేము అలా వద్దని సింగిల్ నెంబర్ డిసైడ్ చేశాం. సాంప్లింగ్ విధానం పక్కాగా చేశాం. అందుకే దీమాగా చెప్పాము. మమ్మల్ని నమ్మిన కోట్లాది మంది ప్రజలకు కృతజ్ఞతలు. ఏపీలో మూడు నెలల పాటు సర్వే చేశాము.కాస్ట్ తో 50శాతం ఉంటే.. ఉద్యోగులు, నిరుద్యోగులు, రోడ్లు, ఇలా ప్రతి అంశం ఇంపాక్ట్ చూపింది. వత్తిడికి లోనవడమా..? క్రెడిబులిటీ పెంచుకోవడమా? అన్నది సర్వే కంపెనీ నిర్ణయించుకోవాలి. సాధారణంగా రాజకీయ పార్టీలు సర్వే కంపెనీలపై ఒత్తిడి పెడతాయి. ఏపీలో కూటమి గెలువడానికి వెన్నుముకగా జనసేన నిలిచింది.

ఏపీలో కూటమిగా వెళ్లడం.. విజయానికి ప్రధాన కారణమైంది. నాకు ఎలాంటి బెదిరింపులు రాలేదు అని కేకే చెప్పారు. నాకు కొంద‌రు డ‌బ్బులు ఇస్తున్నార‌ని, వారు మ‌నీ ఇచ్చి స‌ర్వే చేయించార‌ని కొంద‌రు అంటుంటారు. అవ‌న్నీ అస‌త్య ఆరోప‌ణ‌లు. నేను ధ‌ర్మ ప‌ద్ద‌తిలో స‌ర్వే చేసుకుంటూ వెళ‌తాను. న‌మ్మ‌కం లేక‌పోతే నేను అదే చెబుతాను. నేను నిజాయితీగా చేసి, నిజాయితీగా చెబుతాను. నేను ఏ పార్టీకి మ‌ద్ద‌తివ్వ‌ను. కేకే పార్టీ ఏ ప‌ద్ద‌తికి మ‌ద్ద‌తు ఇవ్వ‌దు. గెల‌వ‌డానికి ఎలా చేయాలి అంటే చెబుతాము. దానికి స‌హ‌క‌రిస్తాము. మేము ఎవ‌రితో అసోసియేట్ కాము అని కేకే అన్నారు. చంద్ర‌బాబు, ప‌వ‌న్, జ‌గన్ ఎవ‌రు గెలిచిన ఓడిన నాకు బాధ‌, సంతోషం లేదు. ఎవ‌రు రీఫార్మ్స్ తీసుకొస్తే ఆనందిస్తాను అని కేకే చెప్పుకొచ్చారు. ఇక 2029 ఎన్నిక‌ల స‌ర్వే కూడా క‌చ్చితంగా చేస్తామ‌ని, ఎవ‌రికి మ‌ద్దతుగా ఇవ్వ‌మ‌ని ఆయ‌న చెప్పుకురావ‌డం కొస‌మెరుపు.