Jr NTR : ఎన్టీఆర్, నాగ శౌర్య బంధువులా.. అస‌లు నిజం ఏంటి..?

Jr NTR : సోషల్ మీడియాలో నిత్యం కొన్నివేల కొల‌ది వార్త‌లు హ‌ల్‌చ‌ల్ చేస్తుంటాయి. అందులో ఏది నిజం, ఏది అబ‌ద్ధ‌మో తెలియ‌క చాలా మంది క‌న్ఫ్యూజ‌న్ అవుతుంటారు. ఆ మ‌ధ్య ఎన్టీఆర్, నాగశౌర్య బంధువులు అంటూ సోష‌ల్ మీడియాలో తెగ ప్ర‌చారం జ‌రిగింది. యంగ్ టైగర్ ఎన్టీఆర్ సతీమణి లక్ష్మీ ప్రణతికి నాగ శౌర్య‌కి మధ్య బంధుత్వం ఉందని, ఈ క్ర‌మంలో యంగ్ హీరో ఎన్టీఆర్ కి బందువు అవుతాడ‌ని ఎప్పటినుంచో వార్తలు వస్తున్నాయి. దీనిపై నాగ శౌర్య క్లారిటీ ఇవ్వ‌డంతో పుకార్ల‌కి పులిస్టాప్ ప‌డింది.

ఎన్టీఆర్ భార్య ప్రణతి తనకు చిన్నప్పటి నుంచి తెలుసని చెప్పాడు. ఆమె బ్రదర్ తనకు చిన్నప్పటి నుంచి ఫ్రెండ్ కావడం మూలంగా ప్రణతిని చిన్నప్పటి నుంచి చెల్లి అని పిలిచేవాడినని. “నాకు చాలా కాలంగా పూజిత్ అనే బెస్ట్ ఫ్రెండ్ ఉన్నాడు. వాళ్ల సిస్టర్ ను తారక్ పెళ్లి చేసుకున్నాడు. ప్రణతిని చెల్లి, చెల్లి అంటూ ఉండేవాడిని. చిన్నప్పటి నుంచి తను నాకు బాగా తెలుసు. చాలా మంది నన్ను ప్రణితి కజిన్ అనుకుంటారు. కానీ, అందులో నిజం లేదు. పూజిత్ తో ఉన్న ఫ్రెండ్ షిప్ కారణంగానే ప్రణతి తెలుసు అంతే” అని చెప్పాడు.

ఇక యువ హీరో నాగ శౌర్య టాలీవుడ్ చిత్ర పరిశ్రమలో మంచి హీరోగా తనకంటూ ఒక ప్రత్యేకమైన గుర్తింపు అందుకున్నాడు. విభిన్నమైన ప్రేమ కథలు చేయడమే కాకుండా అప్పుడప్పుడు కొన్ని ప్రయోగాత్మకమైన సినిమాలతో కూడా ప్రేక్షకులను ఆకట్టుకుంటున్నాడు. ఆ మధ్య ఎవరూ ఊహించని విధంగా లక్ష్య అనే డిఫరెంట్ స్పోర్ట్స్ డ్రామాతో ప్రేక్షకుల ముందుకు వచ్చి విమర్శకుల ప్రశంసలు అందుకున్న విషయం తెలిసిందే. అంతకుముందు చేసిన సినిమాలు అన్నీ కూడా నాగశౌర్య ఏదో ఒక కొత్త పాయింట్ ను హైలెట్ చేస్తూ ఉన్నాడు. అయితే ఇటీవ‌ల ఆయ‌న‌కు విజ‌యాలు రావ‌డ‌మే మానేశాయి.