Waltair Veerayya : వాల్తేరు వీర‌య్య స్టోరీ లీక్.. ర‌వితేజ పాత్ర చిరంజీవి క‌న్నా ప‌వ‌ర్‌ఫుల్‌గా ఉంటుందా..?

Waltair Veerayya : మెగాస్టార్ చిరంజీవి.. పూర్తి స్థాయి మాస్ ఎంటర్టైనర్ చేసి చాలా రోజులవుతుంది. ఖైదీ నెంబర్ 150 తర్వాత ఆ రేంజ్ మాస్ సినిమా చేయ‌లేదు. అందులోను ఆయ‌న రీమేక్ చిత్రాలు చేస్తుండ‌డంతో ఫ్యాన్స్ అసంతృప్తిగా ఉన్నారు. అయితే ఎట్ట‌కేల‌కు మాస్ యాక్షన్ సినిమా వాల్తేరు వీరయ్య చిత్రంతో సంక్రాంతికి ప‌ల‌క‌రించ‌బోతున్నాడు చిరు. ఇప్పటికే మెగాస్టార్‌ పరిచయం చేసిన టీజర్, పాటలు సూపర్ హిట్టయ్యాయి. తాజాగా మాస్ మహారాజా రవితేజ లుక్‌ను విడుదల చేసింది చిత్రబృందం. దీంతో డబుల్ మాస్‌తో ప్రేక్షకులకు ఫుల్ మీల్స్ అందించారు.

ర‌వితేజ‌కి సంబంధించిన‌ టీజర్‌ను గమనిస్తే.. రవితేజ ఓ చేతిలో మేకపిల్ల, మరోక చేతిలో గొడ్డలి పట్టుకుని ఫుల్ యాక్షన్‌ మోడ్‌లో కనిపించారు. “ఫస్ట్ టైమ్ ఓ మేకపిల్లను ఎత్తుకొని పులి వస్తోంది.” అనే డైలాగ్‌తో టీజర్ మొద‌లు కాగా, “ఏమిరా వారి పిస పిస జేస్తున్నవ్.. నీకింకా సమజ్ కాలే.. నేను ఎవ్వని అయ్యకీ ఇననని” అంటూ తెలంగాణ యాసలో రవితేజ డైలాగ్‌కు అభిమానులు తెగ‌ ఫిదా అవుతున్నారు.అయితే ర‌వితేజ‌ది కథలో కీలకమైన పూర్తి స్థాయి పాత్ర. టీజ‌ర్ రిలీజ్ అయ్యాక ర‌వితేజ పాత్ర‌కు సంబంధించిన అనేక‌ప్ర‌చారాలు సాగుతున్నాయి.

వాల్తేరు వీరయ్యకు వైజాగ్ సాగరతీరంలో ఎదురుండదు. అతడు మంచోళ్ళకు మంచోడు చెడ్డోళ్లకు చెడ్డోడు. తన వాళ్ళ జోలికి వస్తే చుక్క‌లు చూపించ‌డం ఖాయం. గూండాల‌ని హ‌డ‌లెత్తించే వీర‌య్య జనానికి దేవుడు. పేద ప్రజల కోసం వాల్తేరు వీరయ్య ఎలాంటి పనులైనా చేస్తాడు. అయితే ఆయ‌న‌కు అడ్డుక‌ట్ట వేసేందుకు విక్రమ్ సాగర్ ఏసీపీ బ‌రిలోకి దిగుతాడు. వాల్తేరు వీరయ్యకు కోపం తెప్పించాలి. అతన్ని ఏమీ చేయాలేని నిస్సహాయ స్థితిలో చూడాలి అనుకుంటాడు. అయితే వాల్తేరు వీరయ్యను విక్రమ్ సాగర్ టార్గెట్ చేయడానికి… ఏసిపీగా వైజాగ్ లో దిగడానికి పెద్ద కథే ఉంటుంది. అస‌లు వాల్తేరు వీరయ్యకు-విక్రమ్ కి ఉన్న సంబంధం ఏమిటి? అనేదే కథలో అసలు ట్విస్ట్ అని తెలుస్తుంది. దీనికి మ‌రి కొద్ది రోజుల‌లో క్లారిటీ రానుంది.