Vijayashanti : విజ‌యశాంతి ఎవ‌రిని వివాహం చేసుకుంది, ఆయ‌న ఏం చేస్తుంటాడు..?

Vijayashanti : లేడి సూప‌ర్ స్టార్ విజ‌య‌శాంతి తెలుగు సినిమా ప్రేక్ష‌కుల‌ని వైవిధ్య‌మైన సినిమాల‌తో అల‌రించిన విష‌యం తెలిసిందే. తన యాక్షన్‌తో స్ట్రీట్ ఫైటర్ అవతారమెత్తిన మగరాయుడు. క‌ర్త‌వ్యం సినిమాతో విమ‌ర్శ‌కుల ప్ర‌శంస‌లు అందుకున్న విజ‌య‌శాంతి .. ఒసేయ్ రాములమ్మ గా దుర్మార్గులను ప్రతిఘటించి మెప్పించింది. తన నటనతో ఒక హిస్టరిని క్రియేట్ చేసింది. లేడీ అమితాబ్‌గా పేరు తెచ్చుకుంది. విజయశాంతి పేరు చెబితే తెరపై ఆమె చేసిన పోరాటాలే కాకుండా, ఆమె ఒలికించిన శృంగారం కూడా గుర్తుకు రావ‌డం స‌హజం.

ఆడియన్స్ చేత విశ్వ నట భారతిగా పిలిపించుకున్న విజ‌యశాంతి ఎవ‌రిని పెళ్లి చేసుకుంది, ఆమె భ‌ర్త ఎవ‌రు, ఆయ‌న ఏం చేస్తారు అనే అనే విష‌యం చాలా మందికి తెలియ‌దు. సినిమాల్లో చేస్తున్నప్పుడే ఎప్పటినుండో పరిచయం ఉన్న”శ్రీనివాస్ ప్రసాద్” ను పెళ్లి చేసుకుంది.ఎటువంటి హంగామా లేకుండా పెళ్లి సింపుల్ గా జరిగిందట.ఆమె రాజకీయాల్లోకి రావడం వెనక కూడా ఆయన ప్రోత్సాహం ఉందట. ఈయనకు నందమూరి కుటుంబానికి సంబంధం ఉంది.

విజయశాంతి భర్త శ్రీనివాస్ ప్రసాద్.. ఎన్టీఆర్ పెద్దల్లడు.. గణేష్ రావుకు స్వయాన మేనల్లుడు అవుతాడు. ఈయనకు హీరో బాలకృష్ణకు మంచి ఫ్రెండ్‌షిప్ ఉండేది. ఈ దోస్తానాతోనే బాలయ్యతోె ఒక సినిమాను నిర్మించాలనుకున్నాడు. అందులో భాగంగా బాలకృష్ణతో కలిసి యువరత్న ఆర్ట్స్ స్థాపించి.. ఏ.కోదండరామిరెడ్డి దర్శకత్వంలో ‘నిప్పురవ్వ’ సినిమాను తెరకెక్కించ‌గా, ఆ సినిమాలో హీరోయిన్‌గా పలువురు పేర్లు పరిశీలించి లాస్ట్‌కి విజయశాంతిని ఎంపిక చేసారు. ఆ స‌మ‌యంలో వాళ్ల మధ్య పరిచయం కాస్తా ప్రేమగా మారి పెళ్లికి దారి తీసింది.

విజయశాంతి కథానాయికగా పరిచయమైన మొదటి నాలుగు సంవత్సరాల పాటు పరిశ్రమలో నిలదొక్కుకోవటానికి గ్లామర్ ప్రధానమైన పాత్రలనే ఎక్కువగా పోషించింది.వాటిలో చెప్పుకోదగ్గవి ఏవీ లేనప్పటికీ ఉన్నంతలో మహానటులు ఎన్టీయార్, ఏయెన్నార్ ల కలయికలో వచ్చిన ‘సత్యం – శివం’లో ఆమె పోషించిన పాత్ర చాలా మందిని అల‌రించింది.