Vijay Deverakonda : గ‌త కొద్ది రోజులుగా అనసూయ- విజయ్ దేవరకొండ మధ్య జ‌రుగుతున్న కోల్డ్ వార్ గురించి ప్ర‌త్యేకంగా చెప్ప‌న‌క్క‌ర్లేదు. అర్జున్ రెడ్డి సినిమా నుండి విజయ్ ని టార్గెట్ చేస్తూ అనసూయ ఏవేవో కామెంట్స్ చేస్తూ వ‌స్తుంది. ఖుషి సినిమా పోస్టర్‌లో హీరో పేరు ముందు ‘ది’ అని పెట్టుకోవడాన్ని తప్పు పడుతూ ‘పైత్యం ఎక్కువైంది’ అంటూ ట్వీట్‌ చేసింది అనసూయ. దీనిపై విజయ్ దేవరకొండ స్పందించకపోయినా అతని అభిమానులు తీవ్ర ఆగ్రహం వ్యక్తం చేశారు. అనసూయను ట్రోల్ చేశారు. ఆ తర్వాత మధ్యలో డైరెక్టర్‌ హరీష్ శంకర్, కొబ్బరిమట్ట దర్శకుడు సాయి రాజేష్ వంటి వారు కూడా ‘ది’ అనే పదాన్ని ప్రస్తావిస్తూ నెట్టింట్లో పోస్టులు షేర్‌ చేయడం, వాటికి నటి రిప్లైలు ఇవ్వడంతో ఈ వ్యవహారం మరింత రచ్చకెక్కింది.
కొద్ది రోజుల తర్వాత వివాదంపై మాట్లాడిన అనసూయ.. విజయ్ తనకు మంచి స్నేహితుడని, కొన్ని పరిస్థితుల వల్ల తమ మధ్య విభేదాలు తలెత్తాయని చెప్పుకొచ్చింది. అలాగే ఇకపై విజయ్‌పై ట్వీట్లు చేయనని పేర్కొంది. వివాదం ఇక ముగిస‌న‌ట్టే అని అంద‌రు అనుకుంటున్న స‌మ‌యంలో విజయ్ దేవరకొండ ఈ వివాదంపై రియాక్ట్ అయ్యారు. ఖుషి చిత్ర ట్రైలర్ లాంచ్ లో భాగంగా చిత్ర యూనిట్ మీడియా సమావేశం నిర్వహిచింది. ఈ ప్రెస్ మీట్ లో ఓ మీడియా ప్రతినిధి అనసూయతో అసలు వివాదం ఏంటి.. దీనికి ఎప్పుడు ఫుల్ స్టాప్ పడుతుంది అని ప్రశ్నించారు. దీనికి విజయ్ దేవరకొండ సమాధానం ఇస్తూ.. ఏమో మీరు గొడవ పడే వాళ్లేనా అడగాలి. సోషల్ మీడియాలో ఏం నడుస్తుందో నాకు తెలియదు అంటూ సింపుల్ గా ఆన్సర్ ఇచ్చాడు. మ‌రి దీనిపై అనసూయ ఎలా స్పందిస్తుంద‌నేది చూడాలి.
ఇక తన పేరుకి ముందు ది అనే అక్షరం ఎందుకు చేరిందనే ప్రశ్న తాజాగా ఖుషి ట్రైలర్ ఈవెంట్ లో విజయ్ కి మీడియా నుండి ఎదురైంది. దీంతో ఆ అక్షరం పెట్టుకోవడానికి కారణం చెప్పుకున్నాడు విజయ్. ఏదో ఒక పేరు పెట్టకోమని ప్రెజర్ పెరిగింది.వద్దురాఅని కొట్లాడితే ఇష్టం వచ్చినట్టు రౌడీ స్టార్ అని సౌత్ సెన్సేషన్ అని రాస్తున్నారు. అదొక భయం కొత్తగా ఏం అంటిస్తారో అని , లైగర్ టైమ్ లో పూరీ గారు నీ పేరు కి ముందు ఏదో ఒకటి పెట్టాలి అంటూ రెండు మూడు పేర్లు చెప్పారు. నాకు అలా ట్యాగ్ ఇష్టం లేదు. నాకు విజయ్ దేవరకొండ సరిపోతుందని భావించి ఫైనల్ గా పేరుకి ముందు ది అని పెట్టుకున్నాను అని వివ‌ర‌ణ ఇచ్చారు. ఇక విజయ్ తన ప్రేమ పెళ్లి గురించి కూడా రియాక్ట్ అయ్యాడు. పెళ్లి చేసుకోవాలంటే అమ్మాయి దొరకాలి కదా. ఇంకా దొరకలేదు. మరో రెండు మూడు ఏళ్లలో పెళ్లి చేసుకుంటా అని విజయ్ సమాధానం ఇచ్చాడు.
