Chiranjeevi : మెగాస్టార్ చిరంజీవి తాజా చిత్రం భోళా శంకర్ ఆగ‌స్ట్ 11న విడుద‌ల కానుంది. ఈ మూవీ ప్ర‌మోష‌న్‌లో భాగంగా ఇటీవ‌ల చిరంజీవి ఓ ఇంట‌ర్వ్యూ ఇచ్చారు. ఈ ఇంటర్వ్యూలో అనేక ఆస‌క్తిక‌ర విష‌యాలు తెలియ‌జేశారు. స‌ర‌దాగా జోకులు వేస్తూ అలానే పంచ్‌లు వేస్తూ తెగ సంద‌డి చేశారు. ఇంటర్వ్యూలో సినీ నిర్మాత అనిల్ సుంకర, దర్శకుడు మెహర్ రమేశ్‌తో పాటు మూవీలో లీడ్ రోల్స్ చేసిన తమన్నా, కీర్తి సురేశ్, సుశాంత్, రాజా రవీంద్ర, యాంకర్ శ్రీముఖి, గెటప్ శ్రీను పాల్గొన్నారు. ఈ సందర్భంగా శ్రీముఖి రాజా రవీంద్ర గురించి చెప్పాలని అడిగింది.
నోటిదూల గాడు. మనసులో ఏం ఉండదు. బయటకు మాత్రం ఏదో ఒకటి వాగి, దొబ్బులు తింటుంటాడు. నన్ను చూస్తే చూశావయ్యా, ఆడపిల్లలను చూడకు. అంటే దరిద్రంగా అలాగే చూస్తాడు” అంటూ ఫన్నీ కామెంట్స్ చేశారు. అటు చిరంజీవితో తనది చాలా లాంగ్ జర్నీ అని చెప్పారు రాజా రవీంద్ర. “అన్నయ్యతో నాది లాంగ్ జర్నీ. ఏ సినిమా చేసిన ఫస్ట్ డేలా ఉంటుంది. చాలాసార్లు తిట్లు కూడా తిన్న. నిజంగా అన్నయ్య పక్కనే ఉన్నానా? అని అప్పుడప్పుడూ చూస్తా. ఏంట్రా అలా చూస్తున్నావ్? చేతబడి చేసే వాడిలా ఆ చూపేంటి దరిద్రంగా. పో ఇక్కడి నుంచి అంటారు” అని చెప్పుకొచ్చారు.
ఇక వాల్తేరు వీర‌య్య సినిమా త‌ర్వ‌త చిరంజీవి న‌టించిన భోళా శంక‌ర్‌పై అంచ‌నాలు భారీగా ఉన్నాయి. రేపే చిత్రం విడుద‌ల కానున్న నేప‌థ్యంలో ‘భోళా శంకర్’ టీమ్ మొత్తం అసలు విరామం లేకుండా సినిమాను ప్రమోట్ చేయడంలో బిజీగా ఉన్నారు. చిరంజీవి సైతం ఒకటి కూడా మిస్ అవ్వకుండా ప్రతీ ఇంటర్వ్యూలో పాల్గొంటున్నారు. ఇక దర్శకుడు మెహర్ రమేష్, నిర్మాత అనిల్ సుంకర కూడా ‘భోళా శంకర్’ ప్రమోషన్స్ బాధ్యతను తమ భుజంపై వేసుకున్నారు. ప్రేక్షకులు ఎంత నెగిటివిటీ చూపించినా.. ఎన్ని నెగిటివ్ కామెంట్స్ చేసినా.. మెహర్ మాత్రం తన సినిమాపై కాన్ఫిడెంట్‌గా ఉన్నాడు. యాక్షన్, డ్రామా సహా ప్రేక్షకులకు కావాల్సిన అన్ని ఎలిమెంట్స్ ఉంటాయని తెలిపాడు.
