Valliddari Madhya Movie : ఆహా ఓటీటీలో వ‌చ్చిన‌.. వాళ్లిద్ద‌రి మ‌ధ్య మూవీ.. త‌ప్ప‌క చూడాల్సిన సినిమా..

Valliddari Madhya Movie : ఇటీవ‌లి కాలంలో ఓటీటీలో వైవిధ్య‌మైన సినిమాలు విడుద‌ల అవుతున్న విష‌యం తెలిసిందే. ‘ఆహా’ ఫ్లాట్ ఫామ్ పైకి వచ్చే సినిమాలను పరిశీలిస్తే, లవ్ .. ఫ్యామిలీ ఎమోషన్స్ తో కూడిన కథలకు వారు ఎక్కువ ప్రాధాన్యతనిస్తున్నారు. తాజాగా వాళిద్ద‌రి మ‌ధ్య అనే సినిమాతో ప్రేక్ష‌కుల ముందుకు వ‌చ్చారు. ఇరు కుటుంబాల నేపథ్యంలో ఆ ప్రేమ ఎలాంటి మలుపులు తీసుకుందనేది ప్రధానమైన అంశంగా ఈ చిత్రాన్ని తెరెక్కించ‌గా, వేదాన్ష్ క్రియేటివ్ వర్క్స్ బ్యానర్ పై నిర్మితమైన ఈ సినిమాకి, వీఎన్ ఆదిత్య దర్శకత్వం వహించాడు.

క‌థ‌:

బీటెక్ గ్రాడ్యుయేట్ అయిత‌న వరుణ్ ఒక కారణంగా ఉద్యోగం చేయడం ఇష్టం లేక సొంతంగా అన్వయ అనే కంపెనీ ప్రారంభించి బిజినెస్ మొదలుపెడుతాడు. అమెరికాలో ఉండే అన్వయ అనే అమ్మాయి (నేహా కృష్ణ) తల్లిదండ్రులు వరుణ్‌కు క్లయింట్స్‌గా ఉంటారు. అయితే అన్వయ ఇంటికి వెళ్లిన వరుణ్ తొలి చూపులోనే ఆమెను చూసి ప్రేమ‌లో ప‌డ‌తాడు. అయితే అమెరికాలో ప్రేమ బ్రేకప్ కావడంతో అన్వయ ఇండియాకు వచ్చిందని వరుణ్‌కు తెలుసుకున్నా కూడా అన్వయను ప్రేమిస్తుంటాడు. అయితే వాళ్లిద్దరు పెళ్లి చేసుకొంటారనే సందర్భంలో వారిద్దరి మధ్య అపార్ధాలు చోటుచేసుకొంటాయి. వాటిని ఇద్ద‌రు పరిష్క‌రించుకొని ఒక్క‌టయ్యారా లేదా అనేది సినిమా చూస్తే తెలుస్తుంది.

ప‌ర్‌ఫార్మెన్స్

వరుణ్‌గా విరాజ్ అశ్విన్ తన పాత్ర పరిధి మేరకు ఓకే అనిపించాడు. కానీ ఆ కథను, తన పాత్రను మరో లెవెల్‌కు తీసుకెళ్లలేకపోయాడనిపిస్తుంది. నేహా కూడా కొన్ని సీన్లలో ఒకే అనిపించింది. నేహా తండ్రిగా శ్రీనివాస్ వడ్లమాని కామెడీ పెద్దగా వర్కవుట్ అయిన‌ట్టు లేదు. ఇక విరాజ్ అశ్విన్ తండ్రిగా వెంకట్ సిదారెడ్డి ఆ పాత్రకు బ్యాడ్ ఛాయిస్. మిగితా పాత్రల్లో కనిపించినవారు ఒకే అనిపించారు.

మనసంతా నువ్వే, నేనున్నాను లాంటి భారీ విజయాలను అందుకొన్న వీఎన్ ఆదిత్య ఆ తర్వాత అదే ఊపును కొనసాగించలేకపోయిన ఆయ‌న‌ చాలా గ్యాప్ తర్వాత ఇగో అనే అంశంతో.. ఆత్మల బ్యాక్ డ్రాప్‌తో ఒక డిఫరెంట్ పాయింట్‌తో లవ్ స్టోరిని అటెంప్ట్ చేసాడు. అయితే చాలా సెన్సిటివ్ పాయింట్‌ను ఎమోషనల్‌గా క్యారీ చేయడానికి సరైనా హీరో, హీరోయిన్లు లేకపోవడం చిత్రానికి ప‌త్రికూల‌మైన పాయింట్‌గా మారింది. 135 నిమిషాల డ్యూరేషన్ కాబట్టి స్క్రీన్ ప్లే, సీన్స్ అన్నీ కూడా సాగదీసినట్లు అనిపిస్తాయి. క్లైమాక్స్ కూడా రొటీన్ గానే అనిపిస్తుంది. 135 నిమిషాల డ్యూరేషన్ కాబట్టి స్క్రీన్ ప్లే, సీన్స్ అన్నీ కూడా సాగదీసినట్లు అనిపిస్తాయి. క్లైమాక్స్ కూడా రొటీన్ గానే అనిపిస్తుంది.

ప్ల‌స్ పాయింట్స్:

• స్టోరీ లైన్
• సినిమాటోగ్రఫీ

మైనస్ పాయింట్స్:

• స్క్రీన్ ప్లే
• ఊహించిన ట్విస్ట్‌లు
• రొటీన్ క్లైమాక్స్

చివ‌రిగా..

‘మనసంతా నువ్వే’ .. ‘నేనున్నాను’ వంటి హిట్స్ ఇచ్చిన వీఎన్ ఆదిత్య నుంచి ఇలాంటి ఒక సినిమా వస్తుందని ఎవరూ అనుకోరు. ప్రతిసారి అటు హీరోలో నుంచి .. ఇటు హీరోయిన్ లో నుంచి ‘లోపలి మనిషి’ బయటికి వచ్చేస్తుంటాడు. దాంతో ఇద్దరు హీరోలను .. ఇద్దరు హీరోయిన్లను చూడవలసి వస్తుంది. కథాకథనాల్లో కొత్తదనం ఏదైనా ఉంటే ఈ నలుగురినీ భరించవచ్చు .. కానీ అదెక్కడా మచ్చుకి కూడా మనకి కనిపించ‌క‌పోవ‌డంతో ప్రేక్ష‌కుల స‌హనానికి ప‌రీక్ష పెట్టిన‌ట్టే అయింది.