Upasana : ఉపాస‌న‌ను చ‌ర‌ణ్ డ‌బ్బు కోస‌మే పెళ్లి చేసుకున్నాడా.. తేల్చి చెప్పిన ఉపాస‌న‌..

Upasana : మెగా కోడ‌లిగా, రామ్ చరణ్ భార్యగా ఉపాస‌న ఎంత మంచి పేరు తెచ్చుకుందో ప్ర‌త్యేకంగా చెప్ప‌న‌క్క‌ర్లేదు. పెళ్ళైన కొత్తలో ఎక్కువగా బయటకు, మీడియా ముందుకు రాకపోయినా ఇప్పుడు మాత్రం ఉపాసన రెగ్యులర్ గా ఏదో ఒక మంచి వార్తతోనే రెగ్యులర్ గా వార్తల్లో నిలుస్తూ వ‌స్తుంది ఉపాస‌న‌. ప్రస్తుతం ఉపాసన ప్రగ్నెంట్ కూడా. చరణ్, ఉపాసన జంట ఇటీవల ఎక్కువగా ట్రిప్స్ కి వెళ్లడం, ఆర్ఆర్ఆర్ సినిమా విదేశీ ప్రమోషన్స్ నో ఉపాసన కూడా వెళ్లడంతో ఈ జంట బాగా వైరల్ అయ్యారు. ముంబైలో ఓ మీడియా ఇంట‌ర్వ్యూలో చాలా విష‌యాలు గురించి ఆమె మాట్లాడిన మాటలు వైర‌ల్ అవుతున్నాయి.

చిన్న‌ప్ప‌టి నుంచి నా విష‌యంలో ఎవ‌రో ఒక‌రు జ‌డ్జ్ చేసేవారు. శ‌రీరాకృతి, బ్యాగ్రౌండ్ విష‌యాల్లో విమ‌ర్శ‌ల‌ను ఎంతో ఫేస్ చేశాను. నేననే కాదు.. ప్ర‌తి ఒక్క‌రూ ఏదో ఒక విష‌యంలో విమ‌ర్శ‌ల‌ను ఫేస్ చేసే ఉంటారు. విమ‌ర్శ‌ల‌ను మ‌నం ఎలా తీసుకుంటున్నామ‌నేది కూడా ముఖ్యం. విమ‌ర్శ‌లు వ‌చ్చిన‌ప్పుడు డీలా ప‌డ‌కూడ‌దు. ప‌దేళ్ల కాలంలో విమ‌ర్శ‌లు చేసే వారికి నేనేంటో తెలిసింది. ఇప్పుడు నాపై వారి అభిప్రాయం మారింది. ఆ విమ‌వ‌ర్శ‌ల‌ను ఎలా ఎదుర్కొన్నానో నాకు తెలుసు. అందుక‌నే ఇప్పుడు న‌న్ను నేనొక చాంఫియ‌న్‌లా అనుకుంటాను అని చెప్పిన ఉపాస‌న‌.. అదే సమయంలో పెళ్లి గురించి కూడా ఆమె మాట్లాడారు.

నాకు, రామ్ చరణ్‌కి మ‌ధ్య కామ‌న్ ఫ్రెండ్స్ ద్వారా ప‌రిచ‌యం ఏర్ప‌డింది. ఇద్ద‌రం ప్రాక్టిక‌ల్‌గా ఆలోచిస్తుంటాం. వ్య‌క్తిగా త‌ను ఏదో విష‌యంలో ఎప్పుడూ నాకు ఛాలెంజ్ విసిరేవాడు. నేను కూడా అంతే త‌న‌కు ఛాలెంజ్‌ల‌ను విసిరేదాన్ని. అలా ఎదుగుతున్న క్ర‌మంలో మా ఇద్ద‌రి మ‌ధ్య ప్రేమ పుట్టింది. ‘ప్రేమ‌లో ప‌డ‌టం కాదు.. ప్రేమ‌లో విక‌సిస్తుంటావు’ అని చ‌ర‌ణ్ నాతో అన్నాడు. త‌ను చెప్పిన దాంట్లో నిజం ఉంద‌నిపించి అప్పుడు నాకు చాలా సంతోషంగా అనిపించింది. మా ఇద్ద‌రివీ భిన్న‌మైన నేప‌థ్యాలున్న కుటుంబాలు అయితే మా అంటీ, సోద‌రి మా పెళ్లి విష‌యంలో కీల‌క పాత్ర‌ను పోషించారు అని ఉపాసన కొణిదెల పేర్కొన్నారు.