Upasana : రామ్ చ‌ర‌ణ్ స‌తీమ‌ణి, మెగా కోడ‌లు ఉపాసన త్వ‌ర‌లో పండంటి బిడ్డకు జ‌న్మ‌నివ్వ‌నున్న విష‌యం తెలిసిందే. పెళ్లైన పదకొండేళ్ల తర్వాత ఉపాసన తల్లి కానుండడంతో అటు మెగా ఫ్యామిలీ, ఇటు కామినేని కుటుంబాల్లో సంతోషం వెల్లివిరుస్తుంది. త్వరలోనే తల్లిదండ్రులు కానున్న రామ్‌చరణ్‌ దంపతులకు చిన్న సర్‌ప్రైజ్‌ ఇచ్చారు ఉపాసన ఫ్రెండ్స్‌. చెర్రీ ఇంటికి వెళ్లి ఉపాసనకు చిన్నపాటి సీమంతం నిర్వహించారు. ఈ సందర్భంగా ఉప్సీ మెడలో పూలదండ వేసి పలు బహమతులు కూడా అందించారు. ఈ ఫొటోలను ‘బేబీ కమింగ్‌ సూన్‌’ అంటూ తన ఇన్‌స్టా స్టోరీస్‌లో షేర్‌ చేసుకుంది ఉపాసన.
ఉపాసన స్నేహితులు కూడా బేబీ షవర్‌ ఫొటోలను ట్విట్టర్లో పంచుకోవ‌డంతో ప్రస్తుతం ఈ ఫొటోలు సోషల్‌ మీడియాలో తెగ చ‌క్క‌ర్లు కొడుతున్నాయి. నెటిజ‌న్స్ అయితే త‌మ అభిమాన హీరోతో పాటు , ఉపాస‌న‌ని చూసి తెగ మురిసిపోతున్నారు.జంట చూడ ముచ్చ‌ట‌గా ఉంద‌ని, వీరి బేబి కూడా చాలా క్యూట్‌గా ఉండ‌డం ఖాయం అని మెగా అభిమానులు జోస్యాలు చెబుతున్నారు. కాగా, రామ్ చ‌ర‌ణ్ సినిమాల విష‌యానికి వ‌స్తే.. ప్రస్తుతం ఈయ‌న స్టార్ డైరెక్ట‌ర్ శంక‌ర్ తో ఓ సినిమా చేస్తున్నాడు. `ఆర్సీ 15` వ‌ర్కింగ్ టైటిల్ తో ఈ మూవీ శ‌ర‌వేగంగా షూటింగ్ జ‌రుపుకుంటోంది. అలాగే ఉప్పెన ఫేమ్ బుచ్చిబాబుతో ఓ సినిమా చేసేందుకు గ్రీన్ సిగ్న‌ల్ ఇచ్చాడు. ఈ ప్రాజెక్ట్ పై అఫీషియ‌ల్ అనౌన్స్ మెంట్ కూడా వ‌చ్చింది.
ఇదిలా ఉంటే ఇటీవల ఉపాసన తాతయ్య, అపోలో సంస్థ వ్యవస్థాపకులు ప్రతాప్ రెడ్డి జన్మదిన వేడుకలు గ్రాండ్‌గా నిర్వహించ‌గా, ఈ బర్త్‌ డే వేడుకలకు ప్రముఖ ఆధ్యాత్మిక గురువు సద్గురు జగ్గీ వాసుదేవ్‌, ఆయన కూతురు రాధే జగ్గీ హాజరయ్యారు. వేడుకల్లో భాగంగా వారితో ఫొటోలు దిగి సోషల్‌ మీడియాలో షేర్‌ చేసింది ఉపాసన.ఈ సందర్భంగా సద్గురు ఈ కార్యక్రమానికి రావడం ఎంతో సంతోషాన్ని కలిగించిందని తన పోస్ట్‌లో రాసుకొచ్చింది.
