Meena : తెలుగు సినీ ఇండస్ట్రీలో ఎంతో మంది భామలు హీరోయిన్లుగా సందడి చేసిన వారిలో మీనాకి ప్ర‌త్యేక గుర్తింపు ఉంటుంది. తన అందం, అభిన‌యంతో ఎంతో మంది ప్రేక్ష‌కుల మ‌న‌సులు కొల్ల‌గొట్టింది మీనా. చైల్డ్ ఆర్టిస్టుగానే తన కెరీర్‌ను మొదలు పెట్టిన మీనా ఎన్నో చిత్రాల్లో ఆమె నటించారు. అయితే, హీరోయిన్‌గా మాత్రం తెలుగులోనే పరిచయం అయ్యారు. ఆ తర్వాత సౌత్‌లో చాలా సినిమాల్లో నటించారు. దీంతో ఆమె రేంజ్ భారీగా పెరిగింది. ఫలితంగా దక్షిణాదిలోని గొప్ప హీరోయిన్ల జాబితాలోనూ మీనా చోటును పొందారు. కెరీర్ పీక్స్‌లో ఉన్న స‌మ‌యంలోనే ఆమె వివాహం చేసుకుంది.
బెంగళూరుకు చెందిన విద్యాసాగర్‌ను 2009 జూలై 12న ఆర్యవైశ్య సమాజ్ మండపంలో వివాహం చేసుకున్నారు. వీళ్లకు నైనిక అనే పాప కూడా జన్మించింది. అయినప్పటికీ ఆమె కెరీర్‌ను మాత్రం కంటిన్యూ చేస్తూనే వచ్చారు. ఇలా మొదట్లో హీరోయిన్‌గా నటించిన ఆమె.. క్రమంగా క్యారెక్టర్ ఆర్టిస్టుగా మారిపోయారు. దృశ్యం సినిమాతో మీనాకి మంచి పేరు వ‌చ్చింది. అయితే మీనా జీవితం సాఫీగా సాగుతున్న స‌మ‌యంలో ఊహించ‌ని విధంగా మీనా భర్త విద్యాసాగర్ 2022 జూన్‌లో మరణించిన విషయం తెలిసిందే.
చాలా కాలంగా శ్యాసకోస సంబంధిత సమస్యలతో బాధ పడిన ఆయన.. గత ఏడాది ఆరంభంలో కరోనా బారిన పడ్డారు. అప్పటి నుంచి విద్యాసాగర్ ఆరోగ్యం మరింతగా క్షిణించ‌డం, మెరుగైన వైద్యం అందించిన కూడా ఆయన కన్నుమూశారు. భర్త మరణించిన తర్వాత మీనా కాసింత డిప్రెషన్‌లోకి వెళ్లిపోయిన విషయం తెలిసిందే.ఇప్పుడిప్పుడే మీనా ఆ బాధ నుండి కోలుకుంటున్న‌ట్టు క‌నిపిస్తుంది. ప్ర‌స్తుతం వరుస సినిమాలతో ఫుల్ బిజీగా గడుపుతున్న మీనా ‘రౌడీ బేబీ’ అనే తమిళ చిత్రం షూటింగ్‌ను పూర్తి చేసుకున్నారు. సోషల్ మీడియాలో యమ యాక్టివ్‌గా ఉంటోన్న మీనా తాజాగా తన ఇన్‌స్టాగ్రామ్ ఖాతాలో ఓ డ్యాన్స్ వీడియోను షేర్ చేశారు. ఇందులో ఆమెతో పాటు నటి సంఘవి కూడా ఉన్నారు. ‘ఎనిమీ’ మూవీలోని సాంగ్‌కు డ్యాన్స్ చేసిన మీనా ఇప్పుడు కొంత ఆనందంగా ఉన్న‌ట్టు క‌నిపిస్తుంది. ప్ర‌స్తుతం వీడియో అయితే తెగ హ‌ల్ చ‌ల్ చేస్తుంది.
View this post on Instagram
