Poorna : నటి పూర్ణ తెలుగు ప్రేక్షకులకి చాలా సుప‌రిచితం. టాలీవుడ్ లోకి ‘శ్రీ మహాలక్ష్మి’ చిత్రంతో ఎంట్రీ ఇచ్చిన మ‌ల‌యాళ ముద్దుగుమ్మ వెండితెరపై ఎప్పుడు హ‌ద్దులు దాటే విధంగా అందాలు ఆరబోయలేదు. అయితే అవసరమైన మేరకు ఒంపుసొంపులు ఒలకబోసింది. సీమటపాకాయ్ చిత్రం పూర్ణకి టాలీవుడ్ లో మంచి క్రేజ్ తెచ్చిపెట్టింది. అవును, అవును 2, రాజుగారి గది లాంటి చిత్రాల్లో తెలుగు ప్రేక్షకులకి ద‌గ్గ‌రైన పూర్ణకు అవకాశాలు తగ్గుతూ వచ్చాయి. కానీ పూర్ణ మాత్రం ప్రత్యామ్నాయం ఎంచుకుంది. స‌పోర్టింగ్ క్యారెక్ట్‌లో మెరిసేందుకు సిద్ధం కాగా, ఈ క్ర‌మంలో మంచి ఆఫర్స్ వచ్చాయి.
అయితే పూర్ణ త్వరలోనే తల్లిగా ప్రమోషన్ పొందనుంది. గత ఏడాది జూన్ 12న దుబాయి బిజినెస్ మేన్ అసిఫ్ అలీని పెళ్లి చేసుకున్న ఆమె త్వరలోనే ఓ పండంటి బిడ్డకు జన్మనివ్వనుంది. ప్రస్తుతం నటి పూర్ణ మాతృత్వపు మాధుర్యాన్ని ఆస్వాదిస్తున్నానని.. త్వరలో అమ్మగా నాకు ప్రమోషన్ రాబోతుందని ఆనందాన్ని వ్యక్తం చేస్తుంది. ఈ క్రమంలోనే తొలిసారి తన బేబి బంప్ పిక్స్ షేర్ చేసింది. మోడ్రన్ డ్రెస్ పింక్ ఫ్రాక్ లో షేర్ చేసిన బేబీ బంప్ ఫోటోలు సోషల్ మీడియాలో వైరల్ అవుతున్నాయి. పూర్ణ‌ని ఇలా చూసి ఫ్యాన్స్ మైమ‌ర‌చిపోతున్నారు.
పూర్ణ తల్లి కాబోతున్న నేపథ్యంలో ఆమె కుటుంబ సభ్యులు ఘనంగా శ్రీమంతం నిర్వహించారు.. దీనికి సంబంధించిన ఫోటోస్ సోషల్ మీడియాలో వైరల్ అయ్యాయి. పూర్ణ సెకండ్ ఇన్నింగ్స్‌లో స‌పోర్టింగ్ క్యారెక్ట‌ర్స్‌తో పాటు ప‌లు షోల‌కి జ‌డ్జిగా కూడా వ్య‌వ‌హ‌రించింది. అవకాశం చిక్కినప్పుడు సినిమాలు చేస్తూనే బుల్లితెరపై పాపులర్ అయింది. సోషల్ మీడియాలో యాక్టివ్ గా ఉండే పూర్ణ తరచుగా తన గ్లామరస్ ఫోటోస్ షేర్ చేస్తూ ఉంటుంది. తనలో గ్లామర్ పదును ఇంకా తగ్గలేదని ఎప్పటికప్పుడు నిరూపిస్తూనే ఉంది. చీరకట్టుతో పాటు.. ఇతర ట్రెండీ డ్రెస్సుల్లో కూడా పూర్ణ హాట్ స్టిల్స్ తో అదరగొడుతోంది.
