Samantha : స‌మంత అనారోగ్యంపై కూడా ట్రోల్సా.. ఆమెని బ్ర‌త‌క‌నివ్వరా..!

Samantha : ఏ మాయ చేశావే చిత్రంతో తెర‌కెక్కిన స‌మంత అంచెలంచెలుగా సినిమాలు చేస్తూ స్టార్ హీరోయిన్‌గా ఎదిగింది. చివ‌రిగా య‌శోద సినిమాతో మంచి హిట్ కొట్టిన స‌మంత తాజాగా ‘శాకుంతలం’ సినిమాతో ప్రేక్ష‌కుల ముందుకు వ‌చ్చిన విష‌యం తెలిసిందే. ఈ నెల 14న శాకుంత‌లం ప్రేక్షకుల ముందుకు రాగా, ఈ సినిమా ఆశించినంత విజయాన్ని సొంతం చేసుకోలేకపోయింది. ఈ నేపథ్యంలోనే కొంతమంది నెటిజన్లు కావాలనే సమంతను టార్గెట్‌ చేయటం మొదలుపెట్టారు. సోషల్‌ మీడియా వేదికల్లో ఆమెపై దారుణమైన కామెంట్లు చేస్తూ విమ‌ర్శిస్తున్నారు.. సినిమాలో ఆమె నటన అస్సలు బాగోలేదని, అతిగా నటించిందని దారుణ‌మైన విమ‌ర్శ‌లు చేస్తున్నారు.

స‌మంత ఇటీవ‌ల అనారోగ్యం కార‌ణంగా ఎమోషనల్‌ అయిన సంఘటనలను వీడియో చేసి ‘‘ ఆస్కార్‌ గోస్‌ టు సమంత.. ఈ నటన ఏదో సినిమాలో చేసి ఉంటే బాగుండేది’ అంటూ ఓ స్థాయికి మించి ట్రోలింగ్స్‌ మొదలుపెట్టారు. కొంద‌రు నెటిజన్లు సెలెబ్రిటీలంటే కక్ష ఉన్నట్లు ప్రవర్తిస్తున్నారు. సెలెబ్రిటీలు ఏదో తమ ఇంట్లో బానిసలు అయినట్లు ఇష్టం వచ్చినట్లు ట్రోలింగ్ చేస్తున్నారు. సమంత గత కొన్ని నెలలుగా మైయోసైటిస్‌ అనే ఆటోఇమ్యూన్‌ డిసీజ్‌తో బాధపడుతుండ‌గా, ఈ వ్యాధి కారణంగా ఆమె ఆరోగ్యం బాగా దెబ్బతింది. ఎక్కువ సేపు నిలబడలేని పరిస్థితి కూడా నెల‌కొంది . ఏదైనా ఫంక్షన్లకు వచ్చినపుడు లైట్లు, అరుపులు ఆమెను ఎంతో చిరాకుకి గురి చేశాయి.

అయితే స‌మంత చాలా విష‌యాల‌లో మౌనంగా ఉన్నా కూడా కొంద‌రు ఆమెని దారుణంగా విమ‌ర్శిస్తున్నారు. సమంత మయోసైటిస్‌తో పాటు విడాకులకు సంబంధించిన విషయాల కారణంగా చాలా ఇబ్బందులు పడుతుండ‌గా, ఆమెపై అలాంటి కామెంట్లు చేయటం మంచిది కాదు. అనారోగ్యం గురించి సరైన అవగాహన లేకుండా కామెంట్లు చేస్తున్న వారు మూర్ఖులు అంటూ స‌మంత అభిమానులు ట్రోల‌ర్స్‌పై దారుణ‌మైన కామెంట్స్ చేస్తున్నారు. ప్ర‌స్తుతం ఈ కామెంట్స్ నెట్టింట హాట్ టాపిక్‌గా మారాయి.