The Great Khali : క్రికెట్ ఆడిన ది గ్రేట్ ఖ‌లీ.. ఏమన్నా ఆడుతున్నాడా..!

The Great Khali : ఒకప్పుడు డ‌బ్ల్యూడ‌బ్ల్యూఈ రింగ్‌లో రెజ్లింగ్ చేసిన దలిప్ సింగ్ రాణా మ‌నంద‌రికి తెలిసే ఉంటుంది.. అదేనండీ మన దేశానికే చెందిన ‘గ్రేట్ ఖలి’ అప్పుడ‌ప్పుడు సోష‌ల్ మీడియాలో సంద‌డి చేస్తుంటాడు. ది గ్రేట్ ఖలీ అంటే ఓ భారీ ఖాయం అందరి కళ్ళముందు ప్రత్యక్ష్యం అవుతుంది. ఈయన ప్రతిష్టాత్మక భారతీయ రెజ్లర్లలో ఒకరిగా తనకంటూ ప్రత్యేక గుర్తింపు తెచ్చుకున్నారు. డబ్యూడబ్యూఈలో జాన్ సెనా, కేన్ వంటి వారిని ఓడించాడు. అయితే ఇప్పుడు రెజ్లింగ్ కంటే సోషల్ మీడియాలో తెగ యాక్టీవ్ గా ఉంటారీయన. వివిధరకాల వీడియోస్ పోస్ట్ చేస్తూ తన ఫాలోవ‌ర్స్ ను అలరిస్తుంటారు.

ఆ మ‌ధ్య‌ ఇటుకలు పగులకొట్టి స్టంట్ చేయడానికి సిద్దమైన ఖలీ ఆ తరువాత చేసందేంటో చూసి నెటిజన్లు అవాక్కయ్యారు. పొట్ట చెక్కలయ్యేలా నవ్వుకున్నారు.. ఆ మ‌ధ్య వంట చేశాడు. ఇక తాజాగా స‌ర‌దాగా క్రికెట్ ఆడాడు. ది గ్రేట్ ఖ‌లీ ఇలా క్రికెట్ ఆడ‌డంతో అంద‌రు అవాక్క‌వుతున్నారు. ప్ర‌స్తుతం ఖ‌లీకి సంబంధించిన వీడియో సోషల్ మీడియాలో వైరల్ అయింది. ఎప్ప‌టిక‌ప్పుడు స‌రదా పంచుతూ నెటిజ‌న్స్‌కి వినోదాన్ని పంచుతుంటాడు ఖ‌లీ. ఆయ‌న చేసే ప్ర‌తి పని కూడా నెట్టింట వైర‌ల్ అవుతుంటుంది.

కాగా ది గ్రేట్ ఖ‌లీ 2000 సంవత్సరంలో తన రెజ్లింగ్ కెరీర్‌ని ప్రారంభించాడు CWE, WCW, NJPW, WWE వంటి రెజ్లింగ్ కంపెనీల్లో రెజ్లర్‌గా పనిచేశాడు. ఈ క్రమంలో 2007-08 మధ్య కాలంలో డ‌బ్ల్యూడ‌బ్ల్యూఈ వరల్డ్ హెవీవెయిట్ చాంపియన్‌ అయ్యాడు. ఇంకా డ‌బ్ల్యూడ‌బ్ల్యూఈ హాల్ ఆఫ్ ఫేమ్‌గా క్లాస్ ఆఫ్ 2021‌లో ఎంపికయ్యాడు. ఇక 2018 ఏప్రల్ 27న తన రెజ్లింగ్ కెరీర్‌ నుంచి రిటైర్ అయ్యాడు. కాగా ఖ‌లీ తో సెల్ఫీలు దిగేందుకు ఎంతో ఉత్సాహంగా పోటీ ప‌డుతుంటారు.ఆయన రిటైర్ అయిన కూడా ఎప్పుడు ఏదో ఒక విధంగా వార్త‌ల‌లో నిలుస్తూనే ఉంటారు.