Thaneti Vanitha : రెడ్ క‌ల‌ర్ ష‌ర్ట్ వేసుకొని గొడ‌వ‌లు చేస్తున్నారు.. లోకేష్‌పై హోంమ‌త్రి ఫైర్..

Thaneti Vanitha : పుంగనూరులో పోలీసులపై దాడి ఘటన రాష్ట్రవ్యాప్తంగా ఎంత‌ సంచలనంగా మారిందో ప్ర‌త్యేకంగా చెప్ప‌న‌క్క‌ర్లేదు. ఈ కేసులో ఏ1 ఉన్న టీడీపీ ఇన్ ఛార్జ్ చల్లాబాబు నెలరోజుల తర్వాత పోలీసులకు లొంగిపోయాడు. పోలీసులపై దాడి తర్వాత చల్లా బాబు పరారీలో ఉన్నాడు. తాజాగా తానే స్వయంగా వచ్చి పోలీసులకు లొంగిపోయాడు. ఈ దాడి ఘటన ప్రణాళిక ప్రకారమే జరిగినట్లు పోలీసులు వెల్లడించిన విషయం తెలిసిందే. కావాలనే అలజడి సృష్టించాలనే అలా చేసినట్లు వెల్లడించారు.పుంగనూరులో పోలీసులపై దాడికి సంబంధించి ఇప్పటివరకు పోలీసులు మొత్తం 110 మందిని అరెస్టు చేశారు. అంతేకాకుండా మరో 63 మంది టీడీపీ కార్యకర్తలను అరెస్టు చేసి జడ్డి ముందు హాజరు పరిచే అవకాశం కూడా ఉంది. ఆగస్టు 1న పుంగనూరులో గొడవలు సృష్టించేందుకు ముందుగానే పథకం రచించినట్లు తెలిపారు.

అయితే తాజాగా ఈ ఘ‌టనపై హొంమ‌త్రి తానేటి వ‌నిత స్పందించారు.రెడ క‌ల‌ర్ ష‌ర్ట్‌లు వేసుకొని రౌడీయిజం చేస్తూ నానా ర‌చ్చ చేస్తున్నారు. పుంగ‌నూరు ఘ‌ట‌న‌లో వాళ్ల రెడ్ మ్యాప్ ఎటు ఉంది, ఎటు వెళ్లారు. పోలీసులు చాలా సంయ‌మ‌నం పాటించారు. ఒక‌వేళ వాళ్లు లాఠీ చార్జ్ చేసి ఉంటే ప్ర‌భుత్వం కొట్టించింద‌ని సానుభూతి పొందే ప్ర‌య‌త్నం చేశారు. ప్ర‌జ‌లు వారిని చాలా గ‌మ‌నిస్తున్నారు. వారు ప్ర‌జ‌ల‌కు ఏం చేస్తారు అనేది పక్కా ఐడియా ఉంది. ప్ర‌జ‌ల నుండి స్పంద‌న లేక‌పోవ‌డంతో వారు మీడియాలో ఉండేందుకు ఇలాంటి ప‌నులు చేస్తున్నారు. ప్ర‌జ‌ల‌లో గొడ‌వ‌లు తెచ్చేందుకు ఈ పాద‌యాత్ర చేస్తున్నారు త‌ప్ప మ‌రొక‌టి లేదు అని ఆమె ఆగ్ర‌హం వ్య‌క్తం చేసింది.

పుంగనూరు సంఘ‌ట‌న‌ని సంఘటనను రెండు మీడియాలో ఎవరి యాంగిల్లో అవి అచ్చేసుకున్నాయి. అంతేకానీ జరిగింది ఏమిటనే విషయాన్ని జనాలకు అందించాలనే సోయిలేకుండా పోయింది. పుంగనూరులో పోలీసులే టార్గెట్ గా టీడీపీ అల్లరిమూకల, కిరాయి మూకల దాడులు జరిగాయి. అప్పటి దాడుల్లో 47 మంది పోలీసులకు పెద్ద గాయాలే అయ్యాయి. ఒక కానిస్టేబుల్ కు రెండు కళ్ళు దెబ్బతిన్నాయి. మూడు పోలీసు వాహనాలను దగ్ధంచేశాయి. చాలామంది పోలీసుల నుండి నెలరోజులు తప్పించుకుని తిరిగిన విషయం అందరికీ తెలిసిందే.