Tammareddy Bharadwaja : ఆస్కార్ అవార్డ్ ద‌క్కించుకోవాల‌ని తెలుగు ప్రేక్ష‌కులు కొన్నేళ్లుగా క‌ళ్ల‌లో ఒత్తులు వేసుకొని మ‌రీ ఎదురు చూస్తున్నారు. అయితే ఇప్పుడు ఆర్ఆర్ఆర్ సినిమాతో ఆ అవార్డ్ ద‌క్కించుకునే అవ‌కాశం అడుగు దూరంలో ఉన్న‌ట్టుగా తెలుస్తుంది. రామ్ చరణ్ తేజ్ జూనియర్ ఎన్టీఆర్ నటించిన బిగ్గెస్ట్ మల్టీస్టారర్ పాన్ ఇండియా మూవీ ఆర్ఆర్ఆర్ బాక్స్ ఆఫీస్ వద్ద ఎలాంటి కలెక్షన్స్ అందుకుందో ప్రత్యేకంగా చెప్పనవసరం లేదు. ఈ సినిమా ద్వారా దర్శకధీరుడు రాజమౌళి తన స్థాయిని మరో లెవెల్ కు తీసుకెళ్లాడు. ఇప్పుడు ఈ సినిమాలోని అద్భుతమైన పాట నాటు నాటు ఏకంగా ఆస్కార్ కు నామినేట్ కావడంతో ఇప్పుడు అంద‌రి దృష్టి ఈ సినిమాపై ఉంది.
అయితే ఆర్ఆర్ఆర్ సినిమాతో ఆస్కార్ తీసుకురావాల‌ని తెలుగు ప్రేక్షకులతో పాటు ఇండియన్స్ సినిమా లవర్స్ కూడా కోరుకుంటున్నారు. ఇప్పటివరకు ఏ ఇండియన్ సినిమాకు ఇలాంటి గౌరవం దక్కలేదు. ఈ క్ర‌మంలో ఆర్ఆర్ఆర్ సినిమాతో ఆస్కార్ కొట్టాల‌ని రాజమౌళి టీమ్ మొదటి నుంచి కూడా గట్టి ప్రయత్నాలు చేస్తూనే ఉంది. ఇండియన్ సినిమా ఫోకస్ అయ్యేలా ప్రయత్నం చేశారు. గోల్డెన్ గ్లొబ్ అవార్డ్స్ లో కూడా నాటు నాటు పాట అవార్డులను దక్కించుకోగా, ఆస్కార్ కూడా సాధిస్తుంద‌ని భావిస్తున్నారు.
అయితే ఆస్కార్ అవార్డ్స్ కోసం భారీ స్థాయిలో ఖర్చు చేస్తున్నారు చిత్ర బృందం. దాదాపు ఇప్పటివరకు 80 కోట్ల వరకు ఖర్చు చేసింది అని ముఖ్యంగా ఫ్లైట్స్ ట్రావెలింగ్ ఖర్చులకి వాళ్లు కోట్లల్లో ఖర్చు చేస్తున్నారు అని కూడా కథనాలు వెలువడుతున్నాయి. ఈ నేప‌థ్యంలో చిత్ర నిర్మాత తమ్మారెడ్డి సంచ‌ల‌న కామెంట్స్ చేశారు. క టాలీవుడ్ సీనియర్ నిర్మాత తమ్మారెడ్డి భరద్వాజ్ కూడా ఈ విషయంలో ఎవరు ఊహించని విధంగా స్పందించారు. ‘‘ఆస్కార్ ప్ర‌మోష‌న్స్ కోసం చిత్ర బృందం 80 కోట్లు ఖర్చు చేశారు. ఆ 80 కోట్లు మాకు ఇస్తే ఓ 10 సినిమాలు తీసి వాళ్ళ మొఖాన కొడతాం’’ అంటూ సంచ‌ల‌న వ్యాఖ్య‌లు చేశారు. కేవలం ఫ్లైట్ టికెట్ కోసమే దాదాపు కోట్లల్లో ఖర్చు పెడుతున్నారు అంటూ తమ్మారెడ్డి మండిప‌డ్డారు.
