Tamannaah : కాబోయే భర్తను పరిచయం చేసిన తమన్నా.. షాకైన నెటిజన్లు..

Tamannaah : సెలబ్రెటీలపై రూమర్లు రావడం కామనే. కానీ నిప్పు లేనిదే పొగరాదు అన్నట్లు ఏదో చిన్న హింట్ ఉంటే తప్ప రూమర్లు కూడా అంతలా స్ప్రెడ్ అవ్వవు. కాగా, సౌత్ ఇండియన్ స్టార్ హీరోయిన్ తమన్నా పెళ్లి వార్తలు ఓ పక్క వైరల్ అవుతుండగా.. నేరుగా రంగంలోకి దిగి తనకు కాబోయే వాడిని చూపించింది తమన్నా. తమన్నా పెళ్లి వార్తలు సోషల్‌ మీడియాలో ఒక్కసారిగా గుప్పుమన్నాయి. ముంబైకి చెందిన ఓ వ్యాపారవేత్తతో త్వరలో ఏడడుగులు వేయబోతుందంటూ జోరుగా ప్రచారం జరుగుతోంది.

అంతేకాదు ఆమె ఎక్కువగా సినిమాలు చేయకపోవడానికి కారణం కూడా ఇదేనంటూ కథనాలు అల్లేసారు. తాజాగా తన పెళ్లి వార్తలపై స్పందించింది మిల్కీబ్యూటీ తమన్నా. ఈ సందర్భంగా తనకు కాబోయే భర్తను పరిచయం చేసింది! దీంతో అది చూసిన నెటిజన్లంతా ఒక్కసారిగా షాక్ అయ్యారు. నా భర్తను పరిచయం చేస్తున్నా.. ఆ వ్యాపారవేత్త ఇతనే అంటూ ఓ వీడియోను పంచుకుంది. అయితే అందులో ఉన్నది తమన్నా అని తెలిసి అంతా ఖంగుతిన్నారు.

కాగా గతంలో తమన్నా మగాడి వేషంలో చేసిన ఓ రీల్‌కు సంబంధించిన వీడియో అది. ఎఫ్‌ 3 మూవీ సమయంలో తీసుకున్న వీడియో. ఎఫ్ 3 లో తమన్నా కొన్ని సీన్స్ లో మగాడి వేషంలో కనిపించిన సంగతి తెలిసిందే. ఆ సమయంలో తమన్నా తీసుకున్న వీడియో క్లిప్‌ను ఇప్పుడు షేర్‌ చేసి తన పెళ్లి వార్తలను ఖండించింది. కాగా ప్రస్తుతం తమన్నా చిరంజీవి భోళా శంకర్‌ సినిమాతో పాటు ఓ తమిళ, హిందీ చిత్రాల్లో నటిస్తోంది. ఇక ఇటీవల సత్యదేవ్ తో ఆమె కలిసి నటించిన గుర్తుందా శీతాకాలం మూవీ విడుదలకు సిద్ధంగా ఉంది.