SS Rajamouli : రాజ‌మౌళి – మ‌హేష్ సినిమా క‌థ ఇంత ఇంట్రెస్టింగ్‌గా ఉండ‌నుందా..?

SS Rajamouli : తెలుగు సినిమా ఖ్యాతిని పెంచిన రాజ‌మౌళి ఇటీవ‌ల ఆర్ఆర్ఆర్ సినిమాతో భారీ విజ‌యాన్ని అందిపుచ్చుకున్న విష‌యం తెలిసిందే. ఈ సినిమా ఇటీవ‌ల జ‌పాన్‌లోను విడుద‌లై మంచి విజ‌యం సాధించింది. ఇక త్వ‌ర‌లో మహేష్ బాబుతో సినిమా చేయ‌నున్నాడు జ‌క్క‌న్న‌. ఈ సినిమాకి సంబంధించి అనేక ప్ర‌చారాలు న‌డుస్తున్నాయి. ఈ సినిమా అనౌన్స్ చేసిన దగ్గర్నుంచి అభిమానులు సినిమా అప్డేట్స్ కోసం ఎదురు చూస్తూనే ఉన్నారు. ఇక రాజమౌళి హాలీవుడ్ లో ఇంటర్వ్యూలు ఇస్తూ మహేష్ సినిమా గురించి అప్పుడప్పుడు మాట్లాడుతూ హింట్స్ ఇస్తుంటే అభిమానులు తెగ‌ ఖుషీ అయిపోతున్నారు.

ఇప్పటికే మహేష్ తో తీయబోయే సినిమా గ్లోబల్ అడ్వెంచర్ అని, విదేశాల్లో, అడవుల్లో జరిగే కథ అని, ఇండియానా జోన్స్ లాగా సాహసయాత్ర సినిమా అంటూ ప‌లు వ్యాఖ్య‌లు చేశారు రాజమౌళి. ఈ సినిమాకి విజయేంద్రప్రసాద్ కథ రాస్తున్నారు. తాజాగా విజయేంద్రప్రసాద్ ఇచ్చిన ఓ ఇంటర్వ్యూలో రాజమౌళి మహేష్ సినిమా గురించి మాట్లాడారు. ఈ సినిమాపై మాట్లాడుతూ.. ”మహేష్ బాబు మంచి ఇంటెన్సిటీ ఉన్న యాక్టర్‌. యాక్షన్ సన్నివేశాల్లో ఎంతో అద్భుతంగా నటిస్తాడు. రాజమౌళి ఎప్పట్నుంచో ఇలా అడవుల్లో సాగే సాహసయాత్ర లాంటి కథని తీయాలని అనుకున్నాడు.

ఈ కథకి మహేష్ సరిగ్గా సరిపోతాడు. అందుకే రాజమౌళి మహేష్ తో సినిమా తీయడానికి ఫిక్స్ అయ్యాడు. నేను మహేష్ ని దృష్టిలో పెట్టుకొని చ‌క్కని క‌థ రాస్తున్నాను. ఈ సినిమా షూటింగ్ 2023 మే లేదా జూన్ నుంచి మొద‌లు అవుతుంది. ప్రపంచంలోని వివిధ దేశాల్లో ఈ సినిమాని షూట్ చేయబోతున్నాం అంటూ విజ‌యేంద్ర‌ప్ర‌సాద్ కీల‌క వ్యాఖ్య‌లు చేశారు. ఈ వ్యాఖ్య‌లు ప్ర‌స్తుతం నెట్టింట వైర‌ల్‌గా మారాయి. ప్ర‌స్తుతం ఈ సినిమా ప్రీ ప్రొడ‌క్ష‌న్స్ శ‌ర‌వేగంగా జ‌రుగుతుండ‌గా, మూవీ హాలీవుడ్ స్థాయిలో ఉంటుంద‌ని అంటున్నారు.