Sr NTR : శ్రీదేవి కోసం ఎన్టీఆర్ అంత పెద్ద సాహ‌సం చేశారా..?

Sr NTR : విశ్వ విఖ్యాత న‌ట‌సార్వభౌమ నంద‌మూరి తార‌క‌రామారావు త‌న కెరీర్‌లో ఎన్నో వైవిధ్య‌మైన చిత్రాల‌లో న‌టించారు. అంతేకాక విభిన్న‌మైన జాన‌ర్స్‌లో న‌టించి మంచి పేరు ప్ర‌ఖ్యాత‌లు సంపాదించుకున్నారు. అయితే పౌరాణిక, జానపద, సాంఘీకం ఇలా ఎన్నో సినిమాలతో ఎన్టీఆర్ ఒక ట్రెండ్ సెట్ చేసార‌నే చెప్పాలి. ఎన్టీఆర్ సినిమాల కోసం అభిమానులు క‌ళ్ల‌ల్లో ఒత్తులు వేసుకొని మరీ ఎదురు చూసేవారు. ఓ సారి దర్శకుడు రాఘవేంద్ర రావు ఎన్టీఆర్ తో సినిమా చేయడానికి ఒక కథ రెడీ చేసుకోగా, అది వేట‌గాడు పేరుతో రూపొందింది.

ఈ సినిమాకి సంబంధించిన ఓ ఆస‌క్తిక‌రమైన విష‌యం ఇప్పుడు నెట్టింట వైర‌ల్ అవుతుంది. ఈ సినిమా హీరోయిన్ కోసం చాన్నాళ్ల‌పాటు ఆస‌క్తిక‌ర చ‌ర్చ న‌డిచింది. రాఘవేంద్ర రావు మాత్రం హీరోయిన్ విషయంలో శ్రీదేవి అనే మాట మినహా మరో మాట లేదు. నిర్మాతలు మాత్రం ఆమెను వద్దంటే వద్దని అన్నారు. అన్నగారి పక్కన శ్రీదేవి మరీ చిన్న పిల్లలా ఉంటుంది అన్నారు. అయితే శ్రీదేవికి కూడా అన్నగారి పక్కన చేయడానికి ఆస‌క్తి చూప‌లేదు. ఈ విష‌యం ఎన్టీఆర్ ద‌గ్గ‌ర‌కు చేర‌డంతో నిర్మాత‌ల‌ని పిలిచి మాట్లాడారు. సినిమాల్లో నటించే వారికి సెంటిమెంట్ లు చూడరండి… ప్రేక్షకులు దేవుళ్ళు అని చెప్పారు.

ప్రేక్ష‌కులు అన్నీ రిసీవ్ చేసుకుంటారు, మీకు ఎందుకు బాధ, నాదీ బాధ్యత… మీకు ఫ్రీ పబ్లిసిటీ చేసి పెడతా అని ఎన్టీఆర్ హ‌మీ ఇచ్చారు. కథ బలంగా ఉండాలి గాని ఇవన్నీ ఎందుకు అంటూ ఎన్టీఆర్ చెప్పారు. అలానే శ్రీదేవిని కూడా ఆయనే స్వయంగా ఒప్పించారు. కట్ చేస్తే… ఆ జోడీ సూపర్ హిట్ అయింది. ఆ సినిమా హిట్ తర్వాత ఇద్దరి కాంబినేషన్ లో ఎన్నో హిట్ సినిమాలు ప్రేక్ష‌కుల ముందుకు రాగా, ఇవి బ్లాక్ బ‌స్ట‌ర్ కొట్టాయి. అయితే ఇప్పుడు ఎన్టీఆర్ మ‌న‌వ‌డు జూనియ‌ర్ ఎన్టీఆర్ , శ్రీదేవి త‌న‌య జాన్వీ క‌పూర్ క‌లిసి న‌టించ‌బోతున్న విష‌యం తెలిసిందే.