విడాకులు తీసుకోబోతున్న షోయ‌బ్ మాలిక్‌, సానియా మీర్జా.. సంచ‌ల‌న విష‌యాలు వెలుగులోకి..?

మాజీ టెన్నిస్ స్టార్ సానియా మీర్జా, మాజీ క్రికెట‌ర్ షోయ‌బ్ మాలిక్ విడాకులు తీసుకోబోతున్నార‌నే వార్త‌లు ఒక్క‌సారిగా గుప్పుమంటున్నాయి. ఇదే విష‌య‌మై పాక్ మీడియా కోడై కూస్తోంది. అక్క‌డి నెటిజ‌న్లు కూడా ఈ వార్త‌ను వైర‌ల్ చేస్తున్నారు. వారిద్ద‌రి మ‌ధ్య మ‌న‌స్ఫ‌ర్థ‌లు వ‌చ్చాయ‌ని.. అందుక‌నే విడాకులు తీసుకోబోతున్నార‌ని అంటున్నారు. ప్ర‌స్తుతం పాక్ మీడియాలో ఈ వార్త సెన్సేష‌న‌ల్‌గా మారింది. ఈ క్ర‌మంలోనే వారు ఇటీవ‌ల పెట్టిన పోస్టులే అందుకు సాక్ష్య‌మ‌ని కూడా చెబుతున్నారు.

సానియా మీర్జా, షోయ‌బ్ మాలిక్‌ల‌ది ప్రేమ వివాహం. వీరు 2010లో వివాహం చేసుకోగా.. ఒక కుమారుడు కూడా జ‌న్మించాడు. అయితే ఇటీవ‌లే త‌మ కుమారుడి బ‌ర్త్ డే వేడుక‌ల‌ను కూడా వీరు గ్రాండ్‌గా నిర్వ‌హించారు. ఈ క్ర‌మంలో ఆ ఫొటోల‌ను షోయ‌బ్ మాలిక్ షేర్ చేశాడు. కానీ సానియా మీర్జా షేర్ చేయ‌లేదు. పైగా బ్రోకెన్ హార్ట్‌.. అంటే.. ప‌గిలిన హృద‌యం ఎమోజీని సైతం షేర్ చేసింది. దీంతో ఈ ఇద్ద‌రి మ‌ధ్య మ‌న‌స్ఫ‌ర్థ‌లు వ‌చ్చాయ‌ని తెలుస్తోంది. ఇద్ద‌రూ విడిపోయార‌ని.. త్వ‌ర‌లోనే విడాకులు కూడా తీసుకుంటున్నార‌ని వార్త‌లు వైర‌ల్ అవుతున్నాయి. అయితే ఇందులో నిజం ఎంత ఉంది అనేది తెలియాల్సి ఉంది.

షోయ‌బ్ మాలిక్ ఇటీవ‌ల ఓ అమ్మాయితో చ‌నువుగా క‌నిపించ‌డం వ‌ల్లే సానియా మీర్జా అత‌నికి దూర‌మైంద‌ట‌. ఈ మేర‌కు పాక్ మీడియాలో వార్త‌లు వైర‌ల్ అవుతున్నాయి. ఆ విధంగా జ‌ర‌గ‌డం వ‌ల్ల ఇద్ద‌రి మ‌ధ్య మ‌న‌స్ఫ‌ర్థ‌లు వ‌చ్చి ప్ర‌స్తుతం విడిగానే ఉంటున్నార‌ని తెలుస్తోంది. అయితే దీనిపై అటు మాలిక్ కానీ.. ఇటు మీర్జా కానీ.. ఎలాంటి వివ‌రాల‌ను వెల్ల‌డించ‌లేదు. దీనిపై స్ప‌ష్ట‌త రావ‌ల్సి ఉంది.