Satyaraj Daughter Divya : హీరోయిన్‌కి మించిన అందంతో అంద‌రినీ క‌ట్టి ప‌డేస్తున్న‌ క‌ట్ట‌ప్ప కూతురు..!

Satyaraj Daughter Divya : బాహుబ‌లి సినిమాతో దేశ వ్యాప్తంగా గుర్తింపు తెచ్చుకున్న న‌టుడు స‌త్య‌రాజ్. క‌ట్ట‌ప్ప‌గా మ‌నంద‌రి మ‌న‌సులు కొల్ల‌గొట్టిన స‌త్య‌రాజ్ ఎన్నో తెలుగు సినిమాల‌లో మంచి మంచి పాత్ర‌లు పోషించారు. తెలుగు, తమిళ.. భాషల్లో విలక్షణమైన పాత్రలు చేస్తూ బిజీ ఆర్టిస్ట్ గా రాణిస్తున్నారు సత్యరాజ్. అయితే గతంలో ఈయన కూడా ఓ స్టార్ హీరోగా ఓ వెలుగు వెలిగారు. ఎన్నో సూపర్ హిట్ సినిమాల్లో హీరోగా నటించి మెప్పించారు.గతంలో ‘కూని’ ‘దర్జా దొంగ’ ‘ఉక్కు సంకెళ్లు’ వంటి సినిమాల్లో ఓ హీరోగా కూడా నటించిన సందర్భాలు ఎన్నో ఉన్నాయి. న‌టుడిగా స‌త్య‌రాజ్ గురించి చాలా మందికి తెలుసు కాని ఆయ‌న ప‌ర్స‌న‌ల్ లైఫ్ గురించి పెద్ద‌గా తెలియ‌దు.

సత్యరాజ్ భార్య పేరు మహేశ్వరీ. వీరికి ఇద్దరు సంతానం. సత్యరాజ్ కొడుకు సిబిరాజ్ ఆల్రెడీ సినిమాల్లోకి ఎంట్రీ ఇచ్చి ‘డోరా’ ‘మాయోన్’ వంటి సినిమాల్లో నటించాడు.ఇక సత్యరాజ్ కూతురు దివ్య ఓ న్యూట్రిషనిస్ట్. ఈమె ఫోటోలు కొన్ని ఇప్పుడు సోషల్ మీడియాలో వైరల్ అవుతున్నాయి. ఇందులో ఆమెని చూసి హీరోయిన్‌ని మించిన అందం ఉంద‌ని కొంద‌రు నెటిజ‌న్స్ కామెంట్స్ చేస్తున్నారు. దివ్య చెన్నైలో న్యూట్రిషియనిస్ట్‌గా సేవలు అందిస్తున్నారు. ప్రపంచంలోనే అతిపెద్ద మధ్యాహ్న భోజన పథకం అయిన అక్షయపాత్రకు బ్రాండ్ అంబాసిడర్‌గా వ్యవహరిస్తున్న దివ్య ఆరోగ్య వ్యవస్థ సరిగ్గా లేదని, అందుకోసం తగిన మార్పులు తీసుకురావాలనే ఆలోచనతో రాజకీయాల్లోకి రావాలనుకుంటుంద‌ని ఇటీవ‌ల వార్త‌లు వ‌చ్చాయి.

రాష్ట్రంలో చాలా మంది పోషకాహార లోపంతో బాధపడుతున్నారని, ఆ పరిస్థితిని చక్కదిద్దడానికి రాజకీయాల్లో ఉండటం వల్లనే వ్యవస్థలో మార్పు తేవడం సాధ్యమని, అందుకోసం ఓ నిర్ణయం తీసుకోబోతున్నట్లు దివ్య ప్రకటించారు. మ‌రి ఈమె రాజ‌కీయారంగేట్రం ఎప్పుడు చేస్తుందో అని అంద‌రు ఆస‌క్తిగా ఎదురు చూస్తున్నారు.