ల‌క్కీ స‌మంత‌.. లైగ‌ర్ ఫ్లాప్ నుండి భ‌లే ఎస్కేప్ అయిందిగా..!

భారీ అంచ‌నాల‌తో ప్రేక్ష‌కుల ముందుకు వ‌చ్చిన చిత్రం లైగ‌ర్. రౌడీ స్టార్ విజయ్ దేవరకొండ నటించిన లైగర్ సినిమా ఇటీవల భారీ స్థాయిలో పాన్ ఇండియా సినిమాగా ప్రేక్షకుల ముందుకు వచ్చిన విషయం తెలిసిందే. ఇస్మార్ట్ శంక‌ర్ వంటి భారీ హిట్ త‌ర్వాత డాషింగ్‌ డైరెక్టర్ పూరీ జగన్నాథ్ ఈ సినిమాను తెరపైకి తీసుకురావడంతో అన్ని వర్గాల ప్రేక్షకుల్లో కూడా అంచనాలు ఒక్కసారిగా పెరిగిపోయాయి. కానీ అంచ‌నాలని త‌ల‌కిందులు చేసింది లైగ‌ర్. తొలి రోజే నెగెటివ్ టాక్ ను మూటగ‌ట్టుకొని బాక్సాఫీస్ వ‌ద్ద‌ దారుణ‌మైన క‌లెక్ష‌న్స్ ను రాబ‌ట్టింది.

మొదటిరోజు రూ.9.57 కోట్లు అందుకున్న ఈ సినిమా ఆ తర్వాత రెండవ రోజు కేవలం రూ.1.54 కోట్లు మాత్రమే సొంతం చేసుకుంది. ఇక మూడవరోజు కోటి రూపాయల షేర్, నాలుగో రోజు రూ.58 లక్షల షేర్ రాగా 5వ రోజు మాత్రం మరింత దారుణంగా కేవలం రూ.12 లక్షల షేర్ మాత్రమే వచ్చింది. ఆచార్య త‌ర్వాత అంత దారుణ‌మైన ఫ్లాప్ చిత్రంగా లైగ‌ర్ చిత్రం నిలిచింది. భారీ హైప్స్ క్రియేట్ చేసిన ఈ చిత్రం దారుణంగా విఫ‌లం కావ‌డంతో నెటిజ‌న్స్‌తోపాటు ఇండ‌స్ట్రీ ప్ర‌ముఖులు కూడా ట్రోల్స్ చేస్తున్నారు. అయితే అదృష్ట‌వ‌శాత్తూ లైగ‌ర్ సినిమా ట్రోలింగ్ నుండి స‌మంత త‌ప్పించుకుంది.

సాధార‌ణంగా స‌మంత త‌న తోటి స్నేహితులు, కో ఆర్టిస్ట్ సినిమాల‌కి ఫ్రీ ప్ర‌మోష‌న్ చేస్తుంటుంది. సోష‌ల్ మీడియా ద్వారా సినిమాని చూడ‌మ‌ని కోరుతుంది. అయితే లైగ‌ర్ విష‌యంలో స‌మంత ఆ ప‌ని చేయ‌లేదు. ఒక్క‌టంటే ఒక్క ట్వీట్ కూడా చేయ‌లేదు. ఒక‌వేళ లైగ‌ర్‌పై ఏదైనా ట్వీట్ చేసి ఉంటే దారుణ‌మైన ట్రోల్స్‌కి గురై ఉండేది. కాగా, స‌మంత‌.. విజ‌య్ దేవ‌ర‌కొండ‌తో క‌లిసి రీసెంట్ గా ఖుషి సినిమా చేస్తున్న విష‌యం తెలిసిందే. ఇక ఇదిలా ఉంటే గత కొన్ని రోజులుగా సమంత సోషల్‌ మీడియాలో యాక్టివ్‌గా ఉండడం లేదు. తన వ్యక్తిగత, ప్రొఫెష‌నల్ విషయాలను పంచుకునే సామ్‌ ఒక్కసారిగా సైలెంట్‌ అయిపోయింది. దీంతో సమంత ఎందుకు ఇలా మారిందని పెద్ద చర్చ జరుగుతోంది. అయితే సమంత ప్రస్తుతం తన నెక్ట్స్‌ ప్రాజెక్ట్ కోసం శిక్షణలో ఉన్న కారణంగానే సోషల్‌ మీడియాకు దూరంగా ఉందని తెలుస్తోంది.