బిగ్ బ్రేకింగ్‌.. త‌న‌కు ఆ వ్యాధి ఉన్న‌ట్లు క‌న్‌ఫామ్ చేసిన స‌మంత‌..

టాలీవుడ్ స్టార్ హీరోయిన్ అంటే ఠ‌క్కున గుర్తొచ్చే పేరు స‌మంత‌. దశాబ్ద కాలం నుండి టాప్ మోస్ట్ హీరోయిన్ గా కొనసాగుతున్న ఈ అమ్మ‌డికి యూత్ లో ఎలాంటి క్రేజ్ ఉంది అనేది ప్రత్యేకంగా చెప్పనక్కర్లేదు..కేవలం అందాల ఆరబోతకే పరిమితం కాకుండా నటనకి ప్రాధాన్యం ఉన్న పాత్రలు పోషిస్తూ అలరిస్తుంది. ఏ మాయ చేశావే చిత్రంతో ప్రేక్ష‌కుల‌ని అల‌రించిన స‌మంత ఆ సినిమా షూటింగ్ స‌మ‌యంలో నాగ చైత‌న్య‌తో ప్రేమ‌లో ప‌డింది. ఇద్ద‌రు కొన్నాళ్లు సంతోషంగానే ఉన్నా ఎందుకో అనివార్య కార‌ణాల వ‌ల‌న విడాకులు తీసుకున్నారు. ప్ర‌స్తుతం ఎవ‌రి జీవితాలు వారు గ‌డుపుతున్నారు.

తన జీవితంలో అంత పెద్ద ఎదురుదెబ్బ తగిలినా కూడా ఏ మాత్రం రాజి పడకుండా కెరీర్ ని మరింత పటిష్టం చేసుకొని వరుస సినిమాలతో దూసుకుపోతుంది స‌మంత‌. ఆమె న‌టించిన య‌శోద చిత్రం మ‌రి కొద్ది రోజులలో విడుద‌ల కానుంది. ఇక స‌మంత గత కొంత కాలం నుండి చర్మ సంబంధిత వ్యాధితో బాధపడుతుందని..ఆమె సర్జరీ చేయించుకోవడం కోసం ఇటీవ‌ల అమెరికా కి వెళ్లిందని.. అందుకే సినిమాల షూటింగ్స్ ని కూడా పక్కన పెట్టేసిందని సోషల్ మీడియాలో ఎన్నో ర‌కాల ప్ర‌చారాలు జ‌రిగాయి..

ఎప్పుడూ సోషల్ మీడియా లో యాక్టీవ్ గా ఉంటూ వచ్చే సమంత ఇలాంటి రూమర్స్ వచ్చినప్పుడు వెంటే స్పందిస్తుంది. కాని ఆమె ఇటీవ‌ల సోష‌ల్ మీడియాలో అస్స‌లు యాక్టివ్‌గా ఉండ‌డం లేదు.త‌న‌పై వ‌చ్చే రూమ‌ర్స్ ఖండించ‌డం లేదు. దీంతో ఏమైందా అని అంద‌రు ఆలోచ‌న‌లో ప‌డ్డ స‌మ‌యంలో స‌మంత‌.. ఆసుపత్రి నుంచే ఓ ఫొటోని సోషల్ మీడియాలో షేర్ చేస్తూ తన ఆరోగ్యం విష‌యంపై ఓ క్లారిటీ ఇచ్చింది. ‘యశోద’ ట్రైలర్‌కు మీ స్పందన చాలా బాగుంది. జీవితం ముగింపులేని సవాళ్లను నా ముందు ఉంచింది. గత కొన్ని నెలల నుంచి మయోసైటిస్‌ అనే ఆటో ఇమ్యూనిటీ కండిషన్‌కు చికిత్స తీసుకుంటున్నా. ఇప్పుడు నా ఆరోగ్యం నిలకడగా ఉంది. ఇప్పుడిప్పుడే కోలుకుంటున్నా. అయితే, నేను అనుకున్న దానికంటే కాస్త ఎక్కువ సమయమే పట్టే అవకాశం ఉంది. త్వరలోనే దీని నుంచి పూర్తిగా కోలుకుంటానని వైద్యులు నమ్మకంతో ఉన్నారు. నేను పూర్తిగా కోలకునే రోజు అతి దగ్గర్లోనే ఉంది. ఐ లవ్‌ యూ’ అంటూ స‌మంత త‌న పోస్ట్‌లో రాసుకొచ్చింది.