Roja : నోరు జారిన రోజా.. బైబై వైసీపీ అన్న మంత్రులు..

Roja : ఏపీలో వైసీపీ, జ‌న‌సేన‌, టీడీపీల మ‌ధ్య ఏ రేంజ్ విమ‌ర్శ‌లు సాగుతున్నాయో మ‌నం చూస్తున్నాం. ఇటీవ‌ల ప‌వ‌న్ క‌ళ్యాణ్ వారాహి యాత్ర‌లో భాగంగా వైసీపీ నాయ‌కుల‌పై దారుణ‌మైన విమ‌ర్శ‌లు చేస్తుండ‌డం మనం చూస్తూనే ఉన్నాం. ఆంధ్రప్రదేశ్‌లో ‘అభివృద్ధి జరగాలంటే ప్రభుత్వం మారాలని… అరాచకం ఆగాలంటే ఈ ప్రభుత్వం మారాలని… జనం బాగుండాలి అంటే జగన్ పోవాలని… “హాలో ఏపీ.. బైబై వైసీపీ” అనేది జనసేన ఎన్నికల నినాదం కావాలని పవన్ కళ్యాణ్ పిలుపు నిచ్చారు. వైసీపీ అధికారంలోకి వచ్చిన తరువాత రాష్ట్రంలో ఎప్పుడూ లేనంత క్రైమ్ రేటు పెరిగిపోయిందన్నారు.

పాలించే నాయకులు బాధ్యతగా లేకపోవడం వల్లే రోజు రాష్ట్రంలో ఈ దుస్థితి నెలకొందన్నారు. సొంత బాబాయ్ వివేకానంద రెడ్డి హత్య జరిగితే ఆ హత్యను కవర్ చేయడానికి గుండెపోటు నాటకం ఆడారని, తరువాత విషయం బయటకు పొక్కడంతో ఎవరో చంపారని చెప్పారని, నిజం బయటకొస్తుందనే భయంతో ఒక వ్యక్తిని చంపేశారని వైసీపీపై నిప్పులు చెరిగారు ప‌వ‌న్ క‌ళ్యాణ్‌. అయితే ప‌వ‌న్ క‌ళ్యాణ్ నినాదం ఇప్పుడు జ‌నాల‌లో బాగా ఇమిడిపోయింది. కొంద‌రు అయితే ఫ‌న్నీ మీమ్స్ కూడా క్రియేట్ చేస్తున్నారు. ప‌వ‌న్ క‌ళ్యాణ్ హాయ్ ఏపీ అంటూ రోజా బైబై వైసీపీ అన్న‌ట్టు వీడియో క్రియేట్ చేశారు.

ఇక అలానే అంబ‌టితో పాటు వైసీపీ మంత్రులు కూడా ఏదో సంద‌ర్భాల‌లో బైబై వైసీపీ అనగా, దానిని తీసుకొచ్చి ప‌వ‌న్ క‌ళ్యాణ్ వాయిస్‌కి జ‌త చేశారు. ఇప్పుడు ఈ వీడియో నెట్టింత తెగ వైర‌ల్గా మారింది. ఇక ఇదిలా ఉంటే ఇటీవ‌ల రోజా ప‌వ‌న్ క‌ళ్యాణ్ పై దారుణ‌మైన కామెంట్స్ చేసింది. అత‌ను ఎక్కువ త‌క్కువ మాట్లాడితే చెంప ప‌గ‌ల‌గొడ‌తాన‌ని వార్నింగ్ కూడా ఇచ్చింది. రోజా మాట‌ల‌పై జ‌న‌సైనికులు మండిప‌డ్డ విష‌యం తెలిసిందే.