RGV : మేయ‌ర్‌ని వ‌ద‌ల‌ని రామ్ గోపాల్ వ‌ర్మ‌.. కుక్కల మేయర్ అనే సాంగ్ రిలీజ్ చేసిన ద‌ర్శ‌కుడు..

RGV : హైదరాబాద్‌లోని అంబర్‌పేటలో జరిగిన వీధి కుక్కల దాడిలో బాలుడు మృతి చెందిన ఘటన ప్ర‌తి ఒక్కరిని ఎంతో క‌లిచి వేసింది. ముఖ్యంగా ఈ ఘ‌ట‌న‌పై రామ్ గోపాల్ వ‌ర్మ చాలా హ‌ర్ట్ అయిన‌ట్టున్నాడో ఏమో కాని న‌గ‌ర మేయర్ గద్వాల విజయ లక్ష్మి చేసిన నిర్లక్ష్యపు కామెంట్లపై తీవ్ర ఆగ్రహం వ్యక్తం చేసిన రాంగోపాల్ వర్మ మొదటి రోజు నుంచి.. తన ట్వీట్లతో ఏకిపారేస్తున్నారు. ఈ క్రమంలోనే.. “కుక్కల మేయర్” పేరుతో యూట్యూబ్‌లో ఓ సాంగ్‌ కూడా విడుదల చేశారు. తానే స్వయంగా లిరిక్స్ రాయటంతో పాటు.. సొంతంగా పాడారు కూడా.

తాజాగా విడుద‌ల చేసిన పాటలో పూర్తిగా… మేయర్ విజయలక్ష్మిని టార్గెట్‌ చేస్తూనే ఉన్నారు ఆర్జీవి. “అడుక్కున్న పన్నులు అన్నీ మింగిన మీరు.. మొరిగించి.. కరిపించి.. చంపించారు.. మీ ఇంటిలోకి వందల కుక్కులు వదిలితే మీ పరిస్థితి.. అప్పుడు కానీ నొప్పి తెలియదు మీ కుక్క బ్రెయిన్‌కు.. పాపం ఎవరిది మేయర్.. ప్రాణం ఎవదిరి మేయర్.. పాపం ఎవరిది మేయర్.. ప్రాణం ఎవరిది మేయర్.. ఆ తల్లిదండ్రుల గుండెలు వెక్కి వెక్కి ఏడుస్తుంటే కొద్దిగా అయిన బాధ ఉందా మీకు.. అంటూ సాంతం మేయర్‌ను పాట రూపంలో క‌డిగిప‌డేశారు ఆర్జీవి. మొత్తానికి ఆర్జీవి చేస్తున్న విమ‌ర్శ‌లు మాత్రం ప్ర‌స్తుతం నెట్టింట తెగ హ‌ల్ చ‌ల్ చేస్తున్నాయి.

ఇన్నాళ్లు అనవసర విషయాలను పట్టుకుని వేలాడే ఆర్జీవీ.. ఈ విషయంలో మాత్రం మానవత్వంతో.. ఆ బాధిత కుటుంబం వైపు నిలబడ్డారు. ఆ కుటుంబానికి అండగా తన వంతు సాయం చేయటమే కాకుండా.. మిగతావారిని కూడా సాయం చేయమని తన అధికారిక ట్విట్టర్ అకౌంట్ ద్వారా విజ్ఞప్తి కూడా చేసిన విష‌యం మ‌న‌కు తెలిసిందే. అయితే అంబర్ పేట వీధి కుక్కల ఘటనపై ప్రభుత్వం కూడా స్పందించింది. రెండు నెలలో కుక్కల బెడదల లేకుండా చూస్తామని హామీనిచ్చింది. బాలుడు ప్రదీప్ కుటుంబానికి కూడా అండగా ఉంటామని హామీనిచ్చింది.