Ravinder Chandrashekharan : కోలీవుడ్‌ ప్రముఖ నిర్మాత, నటి మహాలక్ష్మి భర్త రవీందర్ చంద్రశేఖరన్ పేరు ఇటీవ‌ల సోషల్ మీడియాలో తెగ మారుమ్రోగిపోతుంది. అత‌ను గతేడాది ప్రముఖ టీవీ నటి మహాలక్ష్మితో కలిసి పెళ్లిపీటలెక్కారు. అయితే ఈ పెళ్లి అయినప్పటినుంచి మహాలక్ష్మి, రవీందర్‌ల పేర్లు సోషల్ మీడియాలో మార్మోగుతున్నాయి. కొందరు నెటిజన్లు రవీందర్‌ను బాడీ షేమింగ్‌ చేస్తూ నెట్టింట పోస్టులు షేర్ చేశారు. అలాగే డబ్బు కోసమే మహాలక్ష్మి చంద్రశేఖరన్‌ను వివాహం చేసుకుందంటూ విమర్శలు గుప్పించారు. ఎవ‌రు ఎన్ని విమర్శలు చేసిన కూడా వారిద్ద‌రు మాత్రం అవేమి పట్టించుకోకుండా త‌మ ప‌ని తాము చేసుకుంటూ ముందుకు సాగుతున్నారు. రవీందర్ చంద్రశేఖరన్ ఒక వ్యక్తిని మోసం చేసినటువంటి కేసులో భాగంగా అరెస్టు అయిన సంగతి మనకు తెలిసిందే.
ఒక ప్రాజెక్టు నిమిత్తం వేరే వ్యక్తి వద్ద కోళ్లల్లో డబ్బు తీసుకొని మోసం చేశారు అంటూ చెన్నై పోలీసులకు ఫిర్యాదు చేయడంతో నిర్మాత రవీందర్ చంద్రశేఖర్ ను పోలీసులు అదుపులోకి తీసుకున్నారు. ఆ స‌మ‌యంలో మ‌హాల‌క్ష్మీ సోషల్ మీడియాలో చాలా యాక్టివ్ గా ఉంటూ తన స్టైలిష్ ఫోటోలను షేర్ చేసింది. అయితే ఆమెపై కొందరు ట్రోల్ చేశారు. ఇదివరకే పెళ్లి చేసుకొని ఓ వ్యక్తి చేతిలో మోసపోయాను.తిరిగి రవీందర్ ను తాను పెళ్లి చేసుకున్నానని అయితే మరోసారి కూడా మోసపోయాను అంటూ ఈమె ఆవేదన వ్యక్తం చేశారని ఈమె సన్నిహితులు తెలియజేస్తున్నారు.పెళ్లికి ముందు ఇలాంటి విషయాల గురించి రవీందర్ నాకు చెప్పకుండా నన్ను మోసం చేసి పెళ్లి చేసుకున్నారని ఈమె సన్నిహితుల దగ్గర ఆవేదన వ్యక్తం చేశారట.
కొన్ని రోజులు జైల‌లో ఉన్న త‌ర్వాత బ‌య‌ట‌కు వ‌చ్చిన రవీందర్ త‌న‌కు మ‌హాల‌క్ష్మీ ముఖ్య‌మ‌ని, మా అమ్మ త‌ర్వాత అమ్మ మాదిరిగా ఆమె నాకు ముఖ్య‌మ‌ని పేర్కొన్నాడు. తమ‌ను ట్రోల్ చేస్తారేమో కాని ఎవ‌రు విడ‌దీయలేరంటూ మీడియా ముందుకు వ‌చ్చి క‌న్నీరు పెట్టుకున్నాడు. ఇక వీరిద్దరికీ ఇది రెండవ వివాహం అనే సంగతి మనకు తెలిసిందే.కొద్ది రోజుల క్రితం ఈ జంట మొదటి వివాహ వార్షికోత్సవ వేడుక ను కూడా సెలబ్రేట్ చేసుకున్నారు.
