Rashmika Mandanna : ర‌ష్మిక ధ‌రించిన ఆ స‌న్ గ్లాసెస్ విజ‌య్‌వే..? అయితే పుకార్లు నిజ‌మేన‌న్న‌మాట‌..?

Rashmika Mandanna : విజ‌య్ దేవ‌ర‌కొండ, ర‌ష్మిక మంద‌న్నల రిలేష‌న్ గురించి చాలా కాలం నుండి పుకార్లు షికార్లు చేస్తున్న విష‌యం అంద‌రికి తెలిసిందే. చాలా సంద‌ర్భాల్లో వాళ్లిద్ద‌రూ క‌లిసి క‌నిపించ‌డం కూడా జ‌రిగింది. అయితే త‌మ మ‌ధ్య అలాంటి సంబంధం లేద‌ని తాము కేవ‌లం మంచి స్నేహితులం మాత్ర‌మే అని ఇంత‌కాలం పుకార్ల‌ను కొట్టి పారేస్తూ వ‌చ్చారు. అయితే ఈ మ‌ధ్య వాళ్లిద్ద‌రూ ఒక‌రి త‌రువాత ఒక‌రు కొంత గ్యాప్ తీసుకొని ముంబ‌యి ఎయిర్ పోర్టులో క‌నిపించ‌డంతో ఇప్ప‌టికే న‌డుస్తున్న ఊహాగానాల‌కు మ‌రింత బలాన్ని ఇచ్చిన‌ట్లు అయ్యింద‌ని అంటున్నారు. వాళ్లిద్ద‌రూ క‌లిసి మాల్దీవుల‌కు విహారానికి వెళ్లార‌ని గుస‌గుస‌లు వినిపిస్తున్నాయి. దీనిపై సోష‌ల్ మీడియాలో ర‌క‌ర‌కాలుగా చ‌ర్చ‌లు న‌డుస్తున్నాయి.

అయితే మాల్దీవుల యాత్ర‌లో ఉన్న ర‌ష్మిక స్విమ్మింగ్ పూల్ ప‌క్క‌న కూలింగ్ గ్లాసెస్ పెట్లుకొని ఉన్న ఫోటోను త‌న ఇన్ స్టాగ్రామ్ లో షేర్ చేసింది. కానీ ర‌ష్మిక ధ‌రించిన క‌ళ్ల‌జోడు స‌రిగ్గా ఇదివ‌ర‌కు విజ‌య్ ధ‌రించిన వాటినే పోలి ఉండ‌డంతో అభిమానులు వారిద్ద‌రూ క‌లిసే ఉన్నార‌ని ఊహాగానాలు చేయ‌డం మొద‌లుపెట్టేశారు. వారిద్ద‌రూ రిలేష‌న్ లో ఉన్నారు అన‌డానికి ఇదే సాక్ష్యం అని చూపిస్తున్నారు. మీడియాలో కూడా వాళ్లిద్ద‌రూ ఒకే ర‌క‌మైన క‌ళ్ల‌జోడు ధ‌రించిన ఫోటోలను చూపిస్తూ ఈ విష‌యాన్ని ధృవ ప‌రుస్తున్నారు.

మ‌రోవైపు సోష‌ల్ మీడియాలో కొంద‌రు అభిమానులు వాళ్లిద్ద‌రి క‌ల‌యిక‌ను #virosh అనే హ్య‌ష్ ట్యాగ్ తో వైర‌ల్ చేస్తున్నారు. ఇంత‌కాలం చ‌క్క‌ర్లు కొడుతున్న ఊహాగానాలు నిజ‌మే అని సంబ‌రాలు చేసుకుంటున్నారు. ఇక దీనిపై విజ‌య్, ర‌ష్మిక‌లు ఏ విధంగా స్పందిస్తారో చూడాల‌ని మ‌రికొంద‌రు అభిప్రాయ‌ప‌డుతున్నారు.