Rashid Khan : ఇంగ్లండ్‌పై గెల‌వ‌డానికి కార‌ణం చెప్పిన ర‌షీద్ ఖాన్.. ఆయ‌న స్పూర్తి వ‌ల్ల‌నేన‌ట‌..!

Rashid Khan : వ‌ర‌ల్డ్ క‌ప్ 2023లో ఊహించ‌ని రిజ‌ల్ట్ రావ‌డం మ‌నం చూశాం. డిఫెండింగ్ ఛాంపియన్ ఇంగ్లండ్‌కు పసికూన ఆఫ్గానిస్తాన్ షాకిచ్చింది. అఫ్గాన్ నిర్దేశించిన 285 పరుగుల లక్ష్యాన్ని ఛేదించలేక ఇంగ్లండ్ 215 పరుగులకే కుప్పకూలింది. ఈ మ్యాచ్‌లో టాస్ గెలిచిన బట్లర్ రెండో ఇన్నింగ్సులో మంచు ప్రభావం చూపిస్తుందనే ఆలోచనతో బౌలింగ్ ఎంచుకున్నాడు. కాని తొలుత బ్యాటింగ్ చేసిన అఫ్గాన్ బ్యాటర్లు అంచనాలకు మించి రాణించారు. గుర్భాజ్ 57 బంతుల్లో 80 పరుగుల మెరుపు ఇన్నింగ్స్‌కు తోడు, ఇక్రమ్ అళిఖిల్ 58 పరుగులతో రాణించడంతో అఫ్గానిస్తాన్ జట్టు 49.5 ఓవర్లలో 284 పరుగులు ఆలౌటైంది. చివర్లో ముజీబ్ ఆడిన మెరుపు ఇన్నింగ్స్ అఫ్గాన్ భారీ స్కోరుకు సాధించ‌డానికి ఉప‌యోగ‌ప‌డింది.

ఇక ల‌క్ష్య ఛేదనలో ఇంగ్లండ్ తేలిపోయింది. ఒక్క హ్యారీ బ్రూక్ (66) మినహా అందరూ విఫలమయ్యారు. దీంతో ఈ లక్ష్యాన్ని ఇంగ్లండ్ ఛేజ్ చేయలేకపోయింది. చివర్లు 40.3 ఓవర్లలో 215 పరుగులకే ఇంగ్లండ్ ఆలౌట్ అయింది. ముజీబ్ ఉర్ రెహ్మాన్ వరుసగా మూడు వికెట్లు కూడా తీసుకున్నాడు. పిచ్ నుంచి స్పిన్నర్లకు కొంత సహకారం లభించడంతో ముజీబ్ రెచ్చిపోయాడు. అతనితోపాటు రషీద్ ఖాన్ కూడా మూడు వికెట్లతో ఆకట్టుకున్నాడు. ఇలా ఇంగ్లండ్ తేలిపోవడం చూసిన ఫ్యాన్స్ షాక్ అవుతున్నారు. ఇంగ్లండ్ ఆటగాళ్లు బాజ్‌బాల్ ఆడే ముందు బ్యాటింగ్ ఎలా చేయాలో పిక్‌ను బట్టి అందరూ ఇంగ్లండ్‌ను తెగ ట్రోల్ చేస్తున్నారు.

ఇక ఇదిలా ఉంటే విజయం తర్వాత ఆఫ్గాన్ స్టార్ ప్లేయర్ రషీద్ ఖాన్ ఎమోషనల్ అయ్యాడు. మా దేశంలో సంతోషానికి కారణం ఏదైనా ఉందంటే? అది ఒక్క క్రికెట్ లోనే. మేం మ్యాచ్ లు గెలిస్తే.. మా దేశంలో సంతోషం వెళ్లివిరుస్తుంది. అయితే ప్రస్తుతం ఎంతో బాధలో ఉన్న మాకు ఇంగ్లాండ్ పై విజయం కాస్త ఆనందాన్ని ఇచ్చింది. తాజాగా వచ్చిన భూకంపంలో మేం సర్వస్వం కోల్పోయాం. ఈ విజయం భూకంప బాధితులకు అంకితం ఇస్తున్నాం” అంటూ భావోద్వేగానికి లోనైయ్యాడు రషీద్. ఇక ఈ మ్యాచ్ లో వచ్చిన మ్యాన్ ఆఫ్ ది మ్యాచ్ అమౌంట్ ను భూకంప బాధితులకు డొనేట్ చేశాడు ముజీబ్ రెహ్మన్. కాగా.. రషీద్ ఖాన్ తన టోర్నీ మెుత్తం ఫీజును భూకంప బాధితులకు ఇస్తున్నట్లు ప్రకటించిన విషయం తెలిసిందే. ఢిల్లీ ప్ర‌జ‌లు నిజ‌మైన ప్రేమ‌ను క‌లిగి ఉన్నారన్నాడు. ఢిల్లీ ప్ర‌జ‌ల ప్రేమ అద్భుతం అని చెప్పాడు. మైదానానికి వ‌చ్చి మ‌ద్ద‌తుగా నిలిచిన‌ అంద‌రికి హృద‌య‌పూర్వ‌క ధ‌న్య‌వాదాలు తెలియ‌జేశాడు. స్టేడియంలో ల‌భించిన మ‌ద్ద‌తే ముందుకు సాగ‌డానికి దోహ‌ద‌ప‌డింద‌న్నారు. ఐపీఎల్ కూడా త‌మ‌కి ఎంతగానో ఉప‌యోగ‌ప‌డింద‌ని చెప్పుకొచ్చారు.