Ramya Krishna : వైసీపీలోకి ర‌మ్య‌కృష్ణ‌.. రోజా ఇంటికి వెళ్లి క‌ల‌వ‌డంతో జోరుగా చ‌ర్చలు..!

Ramya Krishna : ఒక‌ప్పుడు టాలీవుడ్ సినిమా ప‌రిశ్ర‌మ‌లో త‌మ అందం, అభిన‌యంతో కుర్ర‌కారుని ఓ ఊపు ఊపేసిన అందాల భామ‌లు రోజా, ర‌మ్య‌కృష్ణ‌. వీరిద్ద‌రు క‌లిసి చాలా సినిమాలు చేశారు. ఆ క్ర‌మంలోనే ఇద్ద‌రి మ‌ధ్య మంచి రిలేష‌న్ ఏర్ప‌డింది. రోజా రాజ‌కీయాల‌లోకి రాగా, ర‌మ్య‌కృష్ణ ఇప్ప‌టికీ సినిమాలు చేస్తూ అల‌రిస్తుంది. చాలా రోజుల త‌ర్వాత‌ వీరిద్దరూ కలవడంతో అంద‌రిలో అనేక‌ అనుమానాలు వ్యక్తమవుతున్నాయి. ప్రస్తుతం ఆంధ్రప్రదేశ్లో మంత్రిగా రోజా వ్యవహరిస్తోంది. రమ్యకృష్ణ ఇప్పటికే పలు సినిమాలలో నటిస్తూ బిజీగా ఉంది. బాహుబలి సినిమాతో రియంట్రీ ఇచ్చి మంచి గుర్తింపు తెచ్చుకున్న‌ రమ్యకృష్ణ తన కొడుకుతో కలిసి తిరుమల తిరుపతి దేవస్థానానికి వెళ్ళింది.

దేవాలయాన్ని సందర్శించుకుని తిరిగి వెళ్లే ప్రయాణంలో మంత్రి రోజా ఇంటికి వెళ్ళింది. అందుకు సంబంధించిన ఫోటోలు రోజా తన సోషల్ మీడియా వేదికగా షేర్ చేసింది. రోజా త‌న నియోజకవర్గమైన నగరిలోనే నివాసం ఉంటున్నారు. ఇక సినిమా, టీవీ వాళ్ళు ఎవరికి తిరుపతి దర్శనం కావాలన్నా రోజా దగ్గరుండి మరీ అరేంజ్ చేస్తున్నారు. తాజాగా రమ్యకృష్ణ తిరుపతికి తన కుమారుడితో వచ్చి దర్శనం చేసుకుంది. అనంతరం నగరిలోని రోజా ఇంటికి వెళ్ళింది రమ్యకృష్ణ. ఆ స‌మ‌యంలో రోజా మంచిగా స్వాగతం పలికింది. రోజా ఇంట్లో రమ్యకృష్ణ కాసేపు ఉండి రోజాతో ముచ్చటించింది.

రోజా తన ఇంటిని అంతా రమ్యకృష్ణకు చూపించింది. వెళ్లేముందు రోజా రమ్యకృష్ణకు స్పెషల్ గా బొట్టు పెట్టి, చీర పెట్టి పంపించింది. అలాగే తనతో దిగిన ఫోటోలు, రమ్యకృష్ణకు చీర పెట్టిన వీడియోని రోజా తన సోషల్ మీడియాలో షేర్ చేసింది. ఆ ఫోటోలని షేర్ చేస్తూ రోజా ఎమోషనల్ పోస్ట్ చేసింది. రోజా తన పోస్ట్ లో.. మంచి స్నేహితులు నక్షత్రాల లాంటి వాళ్ళు. దగ్గరగా చూడకపోయినా అవి ఎప్పుడూ అక్కడే ఉంటాయి. ఈ రోజు నా ఇంటికి వచ్చి చాలా అందంగా మార్చిన నా స్టార్ కి స్వాగతం. ఆ రోజుల్లో జీవితం ఎలా ఉండేదో, ఆ చిరునవ్వులు, మన వర్క్ అన్ని గుర్తు చేసుకొని సమయం గడిచిపోయింది. నా బెస్టీ రమ్యకృష్ణతో మళ్ళీ కనెక్ట్ అవ్వడం నాకు చాలా ఆనందంగా ఉంది అని తెలిపింది. అయితే రోజా-ర‌మ్య‌కృష్ణ భేటిపై ఇప్పుడు రాజ‌కీయ వ‌ర్గాల‌లో కూడా ఆస‌క్తిక‌ర చ‌ర్చ న‌డుస్తుంది. ర‌మ్య‌కృష్ణ ఆగ‌స్ట్ 15న వైసీపీలో జాయిన్ కాబోతుందంటూ కొంద‌రు స్ట‌న్నింగ్ కామెంట్స్ చేస్తున్నారు.