Ram Gopal Varma : నాకు పెళ్లి ఎప్పుడైందో గుర్తు లేదు.. కూతురు డాక్ట‌ర్‌ అనుకుంటా..

Ram Gopal Varma : సంచ‌ల‌న ద‌ర్శ‌కుడు రామ్ గోపాల్ వ‌ర్మ గురించి ప్ర‌త్యేక ప‌రిచ‌యాలు అక్క‌ర్లేదు. ఇటీవ‌ల ఎక్కువ‌గా వివాదాల‌తో వార్త‌ల‌లో నిలుస్తున్నారు. ఏ విషయం గురించి అయిన కూడా నిర్మొహ‌మాటంగా మాట్లాడ‌డం వ‌ర్మ స్పెషాలిటి. సోలో జీవితం గ‌డుపుతూ తన‌కు న‌చ్చినట్టు జీవిస్తున్న వ‌ర్మ ఒకసారి ఇంట‌ర్వ్యూలో త‌న భార్య‌, కూతురి గురించి ఆస‌క్తిక‌ర వ్యాఖ్య‌లు చేశాడు. త‌న భార్య‌కి త‌న‌కి ఎప్పుడు పెళ్లైంతో త‌న‌కు తెలియ‌ద‌ని, త‌నే డైవ‌ర్స్ తీసుకుంద‌ని, తాను తీసుకోలేద‌ని అన్నాడు వ‌ర్మ‌. ఇక త‌న కూతురు మెడిసిన్ చేస్తుంద‌నుకుంటా అని చెప్పిన వ‌ర్మ త‌ను ఫ్యామిలీ ప‌ర్స‌న్ కాద‌ని పేర్కొన్నాడు. తాను త‌న కూతురిని మూడు నెల‌లకో, ఆరు నెల‌లకో క‌లుస్తుంటాన‌ని చెప్పాడు.

చాలా మంది రాంగోపాల్ వర్మకు పెళ్లి కాలేదని అనుకుంటారు.కాని అది నిజం కాదు. ఆయన భార్య పేరు రత్న… వారివురి దాంపత్యానికి గుర్తుగా రేవతి అనే కూతురు కూడా ఉంది.సంప్రదాయ కుటుంబం నుండి వచ్చిన రత్నది వర్మకి పూర్తి భిన్నమైన మనస్తత్వం. రత్న భర్తనుండి విడిపోయినప్పటికీ రేవతిని పద్ధతిగా పెంచుకున్నారు.రష్యాలో ఎంబీబీఎస్ పూర్తిచేసిన రేవతి పెళ్లి కూడా చేసుకుంది. అయితే ఆ పెళ్లి వేడుకలో కూడా తల్లి కూతుర్లు వర్మని గెస్ట్ గానే ట్రీట్ చేశారు.వర్మ భార్య గురించి వార్తలు ఎప్పుడూ రాలేదు కానీ వర్మ కూతురు మాత్రం తండ్రినెప్పుడూ విభేదిస్తునే వస్తుంది.

ఆ మధ్య ఏదో ట్వీట్ విషయంలో కూడా తండ్రిని విభేదించి ఆ ట్వీట్ డిలీట్ చేస్తావా లేదా అని బహిరంగంగానే వెల్లడించింది.వర్మ ప్రవర్తన తెలిసిన ఎవరైనా భార్యభర్తలు ఎందుకు విడిపోయుంటారో అని పెద్దగా కారణాలు వెతుక్కోనక్కర్లేదు.సమాజంలో కొంచెం డిఫరెంట్ ఉండే వర్మకి కుటుంబవాతావరణం పెద్దగా సూట్ కాదని త‌నే ఎన్నో సార్లు అన్నారు.…అయితే భార్య గురించి వర్మ ఎప్పుడూ ఎక్కువగా మాట్లాడలేదు .కానీ ఈ మధ్య ఓ సందర్భంలో వర్మ మాట్లాడుతూ తనకు మంచి భార్య దొరికింది కాని… తన భార్యకు మాత్రం మంచి భర్త దొరకలేదని వ్యాఖ్యానించాడు.ఈ ఒక్కమాటతోనే చెప్పొచ్చు ఆమె వ్యక్తిత్వం ఎంత గొప్పదో.