Ram Charan Daughter : రామ్ చ‌ర‌ణ్ కూతురిది చిరంజీవిని మించి జాత‌కం.. వేణు స్వామి మాట‌ల‌కి అంతా షాక్..!

Ram Charan Daughter : ఇప్పుడు ఎక్క‌డ చూసిన కూడా రామ్ చ‌ర‌ణ్ కూతురి గురించే చ‌ర్చ‌. పెళ్లైన ప‌ద‌కొండేళ్ల తర్వాత రామ్ చ‌ర‌ణ్ దంప‌తులు త‌ల్లిదండ్రులు కావ‌డంతో ప్ర‌తి ఒక్క‌రు కూడా వారి బిడ్డ గురించి తెలుసుకునే ప్ర‌య‌త్నం చేస్తున్నారు. పాప ఎవ‌రి పోలిక‌ల‌తో పుట్టింది. ఆమె జాత‌కం ఏంటి, ఏ పేరు పెట్ట‌బోతున్నారు అనే దాని గురించి తెలుసుకునే ప్ర‌య‌త్నం చేస్తున్నారు. అయితే ప్ర‌స్తుతం మెగా ఫ్యామిలీ ఆనందంలో మునిగిపోయింది. ప్రతి ఒక్కరూ రామ్ చరణ్ దంపతులకు శుభాకాంక్షలు చెబుతూ మెగా ప్రిన్సెస్ కు వెల్కమ్ చెప్పారు. అల్లు అర్జున్ కూడా తన కోడల్ని చూడటానికి స్నేహ రెడ్డితో కలిసి వెళ్లాడు.

అయితే ఇప్పుడు రామ్ చ‌ర‌ణ్ కూతురి జాతకం గురించి పెద్ద చ‌ర్చ న‌డుస్తుంది. ప్ర‌ముఖుల జ్యోతిష్యాల గురించి చెబుతూ ఎక్కువ‌గా వార్త‌ల‌లో నిలిచే వేణు స్వామి మెగా మనవరాలి జాతకం ఎలా ఉండబోతుందో వీడియో విడుదల చేశారు. . ‘కొణిదెల వంశంలోకి లక్ష్మీదేవి వచ్చిందనేది హాట్ టాపిక్ అవుతోంది. కాబట్టి.. రామ్ చరణ్-ఉపాసనలకు పుట్టిన చిన్నారి జాతకం ఎలా ఉందో చూద్దాం. అమ్మాయి పుట్టింది. మంగళవారం తెల్లవారు జామున 1. 46 నిమిషాలకు. పునర్వసు నక్షత్రం రెండవ పాదము. మిథున రాశి.. జన్మనామం కోణంగి. ఈ ముగ్గురు (రామ్ చరణ్, ఉపాపన, చిన్నారి) నక్షత్రాలు చూసుకుంటే రామ్ చరణ్‌ది రోహిణి. ఉపాసన గారిది కృతికా నక్షత్రం.. అలాగే వారికి పుట్టిన పాపది పునర్వసు నక్షత్రం.

వీళ్ల వంశానికి సంబంధించి చూస్తే.. రామ్ చరణ్‌ది కృష్ణుడి నక్షత్రం. ఇప్పుడు పుట్టిన పాపది రాముడి నక్షత్రం. అలాగే ఉపాసన గారిది అమ్మ వారి నక్షత్రం. ఈ మూడు నక్షత్రాలు దేవతా అంశం కలిగినవే. చిన్నారి జాతకం ఎలా ఉండబోతుందంటే.. రాజయోగం స్పష్ఠంగా కనిపిస్తుంది. గురు ఛండాల యోగం అనేది ఉంది. చిరంజీవి గారికి ఉన్న యోగమే పాప‌కి కూడా ఉంది. ఈ అమ్మాయి జాతకం వల్ల కొణిదెల వంశానికి రాజయోగం ఉండబోతుంది. చిరంజీవి, సురేఖ, ఉపాసన, రామ్ చరణ్, పాప.. ఈ ఐదుగురి గురించి మాత్రమే మాట్లాడుతున్నా. ఈ ఐదుగురి జాతకంలో రాజయోగం ఉంది. రాబోయే కాలంలో ఈ పుట్టిన బిడ్డ చరిత్ర సృష్టించబోయే అవకాశాలు మెండుగా ఉన్నాయి అని వేణు స్వామి స్ప‌ష్టం చేశారు.