Pushpa Movie Re Release : రీ రిలీజ్ కానున్న పుష్ప.. బన్నీ ఫ్యాన్స్‌కు ఫస్ట్ యానివర్సరీ గిఫ్ట్..

Pushpa Movie Re Release : పుష్ప 1ది రైస్ సెన్సేషనల్ హిట్ అవ్వడంతో పుష్ప 2 ది రూల్ కోసం అంతా ఆసక్తిగా ఎదురు చూస్తున్నారు. ఐకాన్ స్టార్ అల్లు అర్జున్ హీరోగా డైరెక్టర్ సుకుమార్ దర్శకత్వంలో పుష్ప ది రైజ్ గురించి ఎంత చెప్పినా తక్కువే. ముఖ్యంగా పుష్పలో బన్నీ తగ్గేదెలే మ్యానరిజంకు వరల్డ్ వైడ్ గా సూపర్ రెస్పాన్స్ వచ్చింది. అల్లు అర్జున్ సిగ్నేచర్ స్టైల్ ను అనుకరిస్తూ సెబ్రెటీస్, క్రికెటర్లు కూడా ఇన్ స్టా రీల్స్ చేసిన విషయం తెలిసిందే. ఒక్క తెలుగులోనే కాకుండా విడుదలైన అన్ని భాషల్లోనూ కాసుల వర్షం కురిపించింది. హిందీ ప్రేక్షకులకు సైతం బాగా దగ్గరైన ఈ చిత్రం అల్లు అర్జున్‌ను పాన్ ఇండియా స్టార్‌ను చేసింది.

ఈ సినిమా గతేడాది డిసెంబర్ 17న విడుదలైన సంగతి తెలిసిందే. మరో నెల రోజుల్లో ఈ సినిమా తొలి వార్షికోత్సవాన్ని జరుపుకోనుంది. ఈ నేపథ్యంలో పుష్ప సినిమాను రీ-రిలీజ్ చేయాలని నిర్ణయించారు. కాకపోతే, అది తెలుగు రాష్ట్రాల్లో కాదు. బన్నీకు విపరీతమైన ఫ్యాన్ ఫాలోయింగ్ ఉన్న కేరళలో పుష్ప సినిమాను మళ్లీ విడుదల చేస్తున్నారు. డిసెంబర్ 17న ఈ చిత్రం థియేటర్లలోకి రానుంది. ఇ4 ఎంటర్‌టైన్మెంట్ సంస్థ కేరళ వ్యాప్తంగా వీలైనన్ని ఎక్కువ థియేటర్లలో పుష్పను రీ-రిలీజ్ చేయబోతోంది. పుష్ప 1 బ్లాక్ బస్టర్ హిట్ కావడం తో, సెకండ్ పార్ట్ పుష్ప ది రూల్ కోసం మేకర్స్ గట్టి ప్లాన్ చేస్తున్నారు.

ప్రతి ఒక్క విషయంలో అనేక జాగ్రత్తలు తీసుకుంటున్నట్టు సమాచారం. పుష్ప1 లో తగ్గేదెలేలే అంటూ చెప్పిన బన్నీ స్లాంగ్ కి విపరీతమైన క్రేజ్ రాగా, ఈ రెండవ పార్ట్ లో కుమ్మేస్తా అనే పదాన్ని వాడనున్నట్లు తెలుస్తోంది. సుకుమార్, బన్నీ, దేవి శ్రీ ప్రసాద్ కాంబో అంటేనే భారీ అంచనాలు ఉంటాయి. వీరి కాంబో పుష్ప మరో సెన్సేషన్ క్రియేట్ చేయడం తో పుష్ప ది రూల్ కోసం ప్రేక్షకులు, అభిమానులు ఎంతగానో ఎదురు చూస్తున్నారు. మైత్రీ మూవీ మేకర్స్ దీన్ని నిర్మిస్తుండగా, పుష్ప 2ను 2024 మే లేదా ఏప్రిల్‌లో విడుదల చేద్దామని నిర్ణయించుకున్నారట. పుష్ప2 అభిమానుల అంచనాలను అందుకుంటుందో లేదో చూడాలి.