Trivikram Srinivas : త్రివిక్రమ్ న‌న్ను మోసం చేశాడంటూ.. హీరోయిన్ సంచ‌ల‌న వ్యాఖ్య‌లు..

Trivikram Srinivas : మాట‌ల మాంత్రికుడు త్రివిక్ర‌మ్ పెద్ద‌గా వివాదాల జోలికి వెళ్ల‌రు అనే సంగ‌తి తెలిసిందే. ఆయ‌న త‌న ప‌నేదో తాను చేసుకుంటూ ముందుకు సాగుంటారు. అయితే ఆయ‌న‌పై సీనియర్ హీరోయిన్ ప్రేమ సంచలన వ్యాఖ్యలు చేసింది. ఇవి ఇప్పుడు ఇండ‌స్ట్రీలో చ‌ర‌చ్చ‌నీయాంశంగా మారాయి. దేవి లాంటి చిత్రాల‌ల‌లో న‌టించి తెలుగు ప్రేక్ష‌కుల‌కి ద‌గ్గ‌రైన ప్రేమ‌… వేణు న‌టించిన చిరున‌వ్వుతో సినిమాలో కీల‌క పాత్ర పోషించింది. ఇందులో బావ‌తో పెళ్లి వ‌ద్ద‌నుకొని మోసం చేసే వ్య‌క్తితో వెళ్లిపోయే పాత్ర‌లో న‌టించింది. అయితే ఈ పాత్ర పోషించ‌డానికి కార‌ణం త్రివిక్ర‌మ్ అట‌.

ఈ చిత్రానికి త్రివిక్ర‌మ్ క‌థ అందించింది. హీరోయిన్‌గా కాకుండా కీల‌క పాత్ర‌లో న‌టించేందుకు ప్రేమ పెద్ద‌గా ఆసక్తి చూప‌లేద‌ట‌. కాని.. త్రివిక్రమ్.. ఇది హీరోయిన్ తో సమానమైన పాత్ర అని ప్రేమని ఒప్పించాడట. దీనితో ప్రేమ అనుమానంగానే ఈ చిత్రాన్ని అంగీకరించింది. అయితే షూటింగ్ కి ముందు ఒకలా చెప్పి సినిమాలో వేరేలా చేయించ‌డంతో త‌ర్వాత కూడా త‌న‌కు అలాంటి అవకాశాలే వచ్చాయి. ఈ క్ర‌మంలో నా కెరీర్ నాశనం అయింది అంటూ ప్రేమ సంచలన వ్యాఖ్యలు చేసింది. ప్రేమ కెరీర్ లోనే దేవి చిత్రం ది బెస్ట్ మూవీ అని చెప్పొచ్చు. కోడి రామకృష్ణ దర్శకత్వంలో వచ్చిన ఈ చిత్రంతో ప్రేమకి సరికొత్త క్రేజ్ వచ్చింది.

ఇక త్రివిక్ర‌మ్ విష‌యానికి వ‌స్తే.. ఈమధ్య కాలంలో టాలీవుడ్ స్టార్ డైరెక్టర్ త్రివిక్రమ్ శ్రీనివాస్ స్పీడ్ బాగా తగ్గిపోయింది అని చెప్పాలి. ఎప్పుడో 2020లో అల్లు అర్జున్ తో “అల వైకుంఠపురములో” సినిమా చేశారు త్రివిక్రమ్. సంక్రాంతి సందర్భంగా విడుదలై బన్నీ కెరీర్ లోనే పెద్ద ఇండస్ట్రీ హిట్ గా నిలిచింది. ఈ సినిమా విడుదలై మూడేళ్లవుతోంది. ఆ తర్వాత ఎప్పుడో “భీమ్లానాయక్” కు త్రివిక్రమ్ డైరెక్టర్ గా కాకుండా స్క్రిప్ట్ రైటర్ గా పని చేశారు. ఇక మూడేళ్ల త‌ర్వాత డైరెక్ట‌ర్‌గా మ‌హేష్‌తో సినిమా చేస్తున్నారు. ప‌లు కార‌ణాల వ‌ల‌న చిత్రం వాయిదా ప‌డుతూ వ‌స్తుంది.