Pragathi : టాలీవుడ్ సీనియర్ న‌టి, క్యారెక్టర్ ఆర్టిస్ట్ ప్రగతి గురించి ప్రత్యేక పరిచ‌యాలు అక్క‌ర్లేదు. తల్లి, అత్త, పిన్ని వంటి పాత్రలతో బాగా ఫేమస్ అయిన ఈవిడ లాక్ డౌన్ టైంలో హీరోయిన్స్ మాదిరి జిమ్లో వర్కౌట్లు చేయడం, మాస్ పాటలకు డాన్స్ వీడియోలు చేయడం, అందాలు కనిపించేలా ట్రెండీ దుస్తుల్లో కనిపించడం ఒక్కటేమిటి… ఇలా ఈమె చేసిన హడావిడి అంతా ఇంతా కాదు.దాంతో ప్రగతి పేరు సోషల్ మీడియాలో తెగ మారు మ్రోగింది. లాక్ డౌన్ టైంలో ఈమె సోషల్ మీడియా ఖాతాలకు కూడా ఫాలోవర్స్ సంఖ్య అమాంతం పెరిగిపోయింది.
ఇటీవ‌ల ఓ ఇంటర్వ్యూలో తనని ఆంటీ అంటే కోపం వస్తుంది అని కూడా తెలిపింది. అలాగే తన విడాకులకు కారణాలు కూడా చెప్పుకొచ్చింది ఈ సీనియర్ బ్యూటీ. నాకు నా పిల్లలే ప్రపంచం. మగాడి అండ లేకుండా నేనే ఒంటరిగా పోరాటం చేసి నా పిల్లల్ని చదివించుకున్నాను. ఈరోజు వాళ్ళ కెరీర్ కోసం సొంత నిర్ణయాలు తీసుకునే స్థాయికి ఎదిగారు.అదే నా సక్సెస్ గా భావిస్తాను. అయితే మా అమ్మ గారు సింగిల్ గా జీవించారు కదా.. అని నేను సింగిల్ గా ఉండకూడదు అని నా భర్తతో నేను కలిసి ఉండడానికి చాలా కష్టపడ్డాడు. కానీ నా కష్టం ఫలించలేదు. అందుకే విడాకులు తీసుకున్నాను అని ప్రగతి చెప్పుకొచ్చింది.
కొద్ది రోజులుగా ప్రగతి రెండో పెళ్లికి సంబంధించి వార్త‌లు వ‌స్తుండ‌గా, స్పందించింది. రెండో పెళ్లిపై ఏమనుకుంటున్నారు? ఎప్పుడైనా చేసుకోవాలని అనిపించిందా? అని యాంకర్ అడగగా దానికి స్పందించిన ప్రగతి… “పెళ్లి అనేది అవసరం. కానీ ఆ పదం కన్నా కంపానియన్ అనేది చాలా ఇంపార్టెంట్ అనిపిస్తుంది. చాలాసార్లు నాకు కూడా కంపానియన్ ఉంటే బాగుంటుంది అనిపించింది.. కానీ మళ్లీ నా మెచ్యూరిటీ లెవెల్కి మ్యాచ్ అయ్యే వారు దొరకాలి కదా.. అదీగాక సింగిల్ పర్సన్ దొరకడం కష్టం. కానీ.. రావాలని ఉంటే అది జరుగుతుంది. అయినా నాతో కొంచెం కష్టం. ఎందుకంటే.. కొన్ని విషయాల్లో చాలా పర్టికులర్గా ఉంటాను. ఇలాగే కావాలి, అలాగే ఉండాలి అని అనుకుంటాను. 20 వ‌య‌స్సులో ఉంటే అడ్జెస్ట్ అయ్యేదాన్ని కాని, ఇప్పుడు కాస్త కష్టం అని చెప్పుకొచ్చింది.
