OTT : కొత్త సంవత్సరం మొదలైంది. పాత ఏడాది బాక్సాఫీస్ దగ్గర మంచి మంచి సినిమాలు పలకరించిన ఈ ఏడాది అంతకు మించిన సినిమాలు విడుదలై ప్రేక్షకులని అలరించేందుకు సిద్ధమవుతున్నాయి. కొత్త సంవత్సరం మొదటివారం కూడా సినిమాలు మరియు ఓటీటీ సినిమాలతో సందడి చేయనుంది. అయితే సంక్రాంతి వచ్చేవరకు పెద్ద చిత్రాలు ఏవి థియేటర్స్ లో రిలీజ్ కి సిద్ధంగా లేకపోవడంతో ఈ వారం బుల్లితెరపై రిలీజ్ కాబోతున్న చిత్రాలపైనే ప్రేక్షకుల ఆశలు ఉన్నాయి. అందుకనే ప్రతి వారం లాగానే ఈ కొత్త సంవత్సరం మొదటి వారం కూడా కొత్త సినిమాలు సందడి చేసేందుకు సిద్దంగా ఉన్నాయి.
గతం వారం థియేటర్స్ లో దాదాపు అరడజను చిత్రాలు రిలీజ్ అయినా.. బాక్సాఫీసు వద్ద ఒక్కటి కూడా విజయం సాధించలేకపోయాయి. దీంతో ఓటీటీలో మూవీ లవర్స్కు వినోదం అందించేందుకు పలు సినిమాలు రాబోతున్నాయి. అమితాబ్ బచ్చన్ నటించిన ఉంచై చిత్రం థియేటర్లలో విడుదలైన తర్వాత మంచి సమీక్షలను పొందింది. ఫీల్ గుడ్ డ్రామా జనవరి 6 నుండి జీ5లో స్ట్రీమింగ్ కోసం అందుబాటులో రానుంది. తాజా ఖబర్ డిస్నీ ప్లస్ హాట్స్టార్ ఒరిజినల్ సిరీస్లో జనవరి 6వ తేదీ నుండి స్ట్రీమింగ్ కానుంది. ప్రథమేష్ పరబ్, నిత్యా మాథుర్, భువన్ బామ్, శ్రియా పిల్గావ్కర్ మరియు ఇతరులు ప్రధాన పాత్రల్లో నటించారు.
సౌదీ వెల్లక్కా అనే మలయాళ భాషా సాంఘిక నాటకం జనవరి 6వ తేదీ నుండి సోనీ లివ్లో ప్రసారం కానుంది. ది లైయింగ్ లైఫ్ ఆఫ్ అడల్ట్స్ అనే ఇటాలియన్ సిరీస్ జనవరి 4 నుండి నెట్ఫ్లిక్స్లో స్ట్రీమింగ్ కోసం అందుబాటులో ఉంచబడుతుంది. యంగ్ జియోవన్నా 1990లలో నేపుల్స్లోని వివిధ కోణాలను అనుభవిస్తున్నప్పుడు బాల్యం నుండి కౌమారదశకు వెళ్లడం ఇందులో ఆసక్తిగా చూపించారు. బాలకృష్ణ మరియు ప్రభాస్ అంత స్టాపబుల్ ఎపిసోడ్ 2 ఈవారం విడుదల కానుంది. ఎపిసోడ్ 1 రిలీజ్ అయ్యి విపరీతమైన ప్రేక్షకుల అభిమానంతో రికార్డులు బ్రేక్ చేసిన విషయం తెలిసిందే. ఇక రెండో ఎపిసోడ్ కోసం కూడా తెలుగు ప్రేక్షకులు ఎదురుచూస్తున్నారు.
