Sr NTR And ANR : టాలీవుడ్ ఇండ‌స్ట్రీకి రెండు కళ్ళ లాంటి వారు విశ్వవిఖ్యాత నట నట సార్వభౌమ నటరత్న డాక్టర్ నందమూరి తారకరామారావు మరియు నటసామ్రాట్ డాక్టర్ అక్కినేని నాగేశ్వరరావు. హీరోలకు కొరతగా ఉన్న రోజుల్లో ప్రవేశించి తమ ప్రతిభతో అత్యున్నత స్థాయికి చేరుకొని తెలుగు జాతి గర్వించదగ్గ చిత్రాలను చేయ‌డ‌మే కాక ఎంతో మంది మ‌న‌సులు గెలుచుకున్నారు.తెలుగు చిత్రపరిశ్రమలో హీరోలకు కొరతగా ఉన్న రోజుల్లో ప్రవేశించి, తమ ప్రతిభతో అత్యున్నత స్థాయికి చేరుకుని తెలుగు జాతి గర్వించదగ్గ చిత్రాలను అందించారు ఈ ఇద్దరు హీరోలు అందించారు. వీరిద్దిరిలో కొన్ని సారూప్యాలు, మరికొన్ని వైరుధ్యాలున్నాయి.
వీరు హీరోలు కాకముందు స్టేజి మీద స్త్రీ పాత్రలు పోషించారు. అక్కినేని హరిశ్చంద్రలో చంద్రమతి వేషం వేస్తే, 1940లో కాలేజీలో ఇంటర్ చదివే రోజుల్లో రాచమల్లు దౌత్యం నాటకం లో నాగమ్మ వేషం వేశారు ఎన్టీఆర్. తెలుగు చలన చిత్ర పరిశ్రమకు క్రమశిక్షణ కూడా నేర్పారు. ఆరోగ్య విషయాల తో సహా అన్నింటా క్రమశిక్షణతో మెలిగారు. తెలుగు చిత్ర పరిశ్రమకు గుర్తింపు, గౌరవం, హోదా, డబ్బు తెచ్చిపెట్టిన ఘనత వీరిద్ద‌రికి దక్కుతుంది.. 1932లో మాట నేర్పిన తెలుగు సినిమా 9 ఏళ్లు పూర్తి చేసుకున్న సమయంలో నాగేశ్వరరావు చిత్ర రంగంలోకి ప్రవేశించారు. ఆయన వచ్చిన ఏడేళ్ల అనంతరం రామారావు సినీ రంగ ప్రవేశం చేశారు. అక్కినేని నాగేశ్వరరావు మొదటి చిత్రం ధర్మపత్ని. ఎన్టీఆర్ మొదటి చిత్రం మన దేశం. వీరిద్దరు తమ మొదటి చిత్రాలలో గుర్తింపు పొందని పాత్రల్లో నటించారు.
స్వర్ణయుగం తొలి దశాబ్ద కాలంలో విడుదలైన చిత్రాల సంఖ్య లో సగభాగం ఈ మహానటులు నటించిన చిత్రాలు ఉండడం చెప్పుకోవ‌ల‌సిన విష‌యం. స్టార్డమ్ ఎంజాయ్ చేస్తున్న వీరిద్దరూ ఎలాంటి భేషజాలకు పోకుండా 14 సినిమాల్లో కలిసి నటించారు. వాటిలో పౌరాణిక జానపద చారిత్రక సాంఘిక చిత్రాలు కూడా ఉన్నాయి. ప్రపంచ సినీ చరిత్రలో ఏ ఇద్దరు అగ్ర నటులు ఇన్ని సినిమాల్లో ఇన్ని జానర్ లలో కలిసి నటించలేదనే చెప్పాలి.. ఇది ఒక రికార్డు అనే చెప్పాలి. ఇంతటి అనుబంధం కలిగిన వీరిద్దరి మధ్య అన్నపూర్ణ స్టూడియోస్ కి సంబంధించిన ఏడెకరాల స్థలం విషయంలో మళ్లీ మనస్పర్ధలు ఏర్పడి దాదాపు ఏడేళ్లు మాట్లాడుకోలేదు. . తెలుగు సినిమాకి స్టార్డమ్ నేర్పిన ఈ మహానటులిద్దరూ తమ మధ్య అభిప్రాయభేదాలు ఉన్నప్పటికీ ఏనాడు బహిరంగంగా ఒకరినొకరు నిందించుకోలేదు.
