ప్ర‌భాస్ అభిమానుల‌కు పిడుగులాంటి వార్త‌.. త‌ట్టుకోలేరు..

ప్ర‌స్తుతం ప్ర‌భాస్ ప‌లు క్రేజీ ప్రాజెక్ట్స్‌లో న‌టిస్తుండ‌గా , వాటిలో ఆదిపురుష్ చిత్రం ఒక‌టి. బాలీవుడ్‌ డైరెక్టర్‌ ఓంరౌత్ దర్శకత్వం వహించిన ఈ సినిమాపై భారీ అంచనాలు ఉన్నాయి. రామాయణ ఇతిహాస కావ్యం ఆధారంగా తెరకెక్కిన ఈ సినిమాలో ప్రభాస్‌ రాముడి పాత్రలో నటిస్తుండగా, రావణుడి పాత్రలో సైఫ్‌ అలీఖాన్‌, సీత పాత్రలో కృతి సనన్ నటిస్తోంది. అత్యున్నత సాంకేతిక విలువలతో భారీ బడ్జెట్ తో టీ సిరీస్, రెట్రో ఫైల్స్ సంస్థలు ఈ సినిమాను నిర్మిస్తున్నాయి. చిత్ర నిర్మాణంలో యూవీ క్రియేషన్స్ నుంచి వంశీ, ప్రమోద్ భాగస్వామ్యులుగా వ్యవహరిస్తున్నారు.

మోస్ట్ అవేటింగ్ మూవీగా దేశవ్యాప్తంగా ప్రేక్షకులు ఈ సినిమా కోసం ఎదురుచూస్తున్నారు. ఇటీవ‌ల చిత్ర టీజ‌ర్ విడుద‌ల కాగా, ఇది చాలా నెగెటివిటీ తెచ్చుకుంది. ఓవైపు ఈ సినిమాలో వీఎఫెక్స్‌ బాగాలేదంటూ, మరోవైపు మనోభావాలు దెబ్బతీసేలా ఉన్నాయంటూ వివాదాలు వచ్చిన విషయం తెలిసిందే. ముఖ్యంగా టీజర్‌లో మొత్తం బొమ్మలనే చూపించాడంటూ దర్శకుడు ఓం రౌత్‌ని విమర్శించారు. గ్రాఫిక్స్ మరీ నాసిరకంగా ఉందంటూ ఏకిపారేశారు.ఈ క్ర‌మంలో చిత్రంపై మ‌రింత వర్క్ చేస్తే బాగుంటుంద‌ని మేక‌ర్స్ భావించార‌ట‌. ఈ క్ర‌మంలో మూవీని కొద్ది రోజులు వాయిదా వేయాల‌ని అనుకున్నార‌ట‌.

మ‌రోవైపు సంక్రాంతికి చిరంజీవి వాల్తేరు వీర‌య్య‌, బాల‌య్య వీర‌సింహా రెడ్డి, అఖిల్ ఏజెంట్ చిత్రాలు తెలుగులో విడుద‌ల కానుండ‌గా, త‌మిళంలో విజయ్, అజిత్ చిత్రాలు రెండూ రిలీజ్ అవుతున్నాయి. అక్కడ థియేటర్స్ దొరకటం చాలా కష్టం. దీంతో అక్క‌డ థియేట‌ర్స్ దొర‌క‌డం చాలా క‌ష్టం. ఈ క్ర‌మంలో సినిమాని కొద్ది రోజులు వాయిదా వేసి, సమ్మ‌ర్ కి ప్రేక్ష‌కుల ముందుకు తీసుకువ‌చ్చే ప్ర‌య‌త్నం చేస్తున్నార‌ట‌. త్వ‌ర‌లోనే దీనిపై ఓ క్లారిటీ రానుంది.