Pawan Kalyan : ఒకే ఒక్క ఫొటోతో వైసీపీ వాళ్ల‌కి గ‌ట్టిగా ఇచ్చి ప‌డేసిన ప‌వ‌న్ క‌ళ్యాణ్‌..!

Pawan Kalyan : ఇటీవ‌లి కాలంలో మెగా ఫ్యామిలీలో విడాకుల ప‌ర్వం ఎక్కువైంది. కొద్ది రోజులుగా శ్రీజ‌, నిహారిక‌ల విడాకుల‌కి సంబంధించి ఎన్నో వార్త‌లు వ‌స్తుండ‌గా, శ్రీజ విడాకుల‌పై ఇంత వ‌రకు క్లారిటీ రాలేదు కాని నిహారిక మాత్రం జూలై 5న తాను విడాకులు తీసుకున్న‌ట్టు చెప్పుకొచ్చింది. ఇక అదే స‌మ‌యంలో ప‌వ‌న్ క‌ళ్యాణ్ విడాకుల‌కి సంబంధించి కూడా జోరుగా ప్ర‌చారాలు సాగాయి. పవన్‌ తన మూడో భార్య అన్నా లెజినోవాతో విడాకులు తీసుకుంటున్నట్లు కథనాలు వస్తున్నాయి. కొంత కాలంగా వీరిద్దరూ విడిగానే ఉంటున్నారని.. అన్నా లెజినోవా పిల్లలను తీసుకుని రష్యా వెళ్లిపోయిందని వార్తలు వస్తున్నాయి.

మెగా ఇంట ఎలాంటి వేడుకలోనైనా చురకుగా కనిపించే అన్నా.. ఈ మధ్య అస్సలు కనిపించడం లేదు. పవన్‌ కళ్యాణ్ లేకపోయినా కానీ.. మెగా ఇంట్లో జరిగే ప్రతీ ఫంక్షన్‌లోనూ అన్నా కనిపించేది. కానీ వరుణ్‌-లావణ్య నిశ్చితార్థంలో పవన్‌ ఒక్కడే కనిపించాడు తప్ప అన్నా లెజ్నోవా కనిపించలేదు. అలానే రామ్‌చరణ్‌-ఉపాసనల కుమార్తె బారసాల ఫంక్షన్‌లోనూ కనిపించలేదు. వారాహీ విజయయాత్రకు ముందు పవన్ కళ్యాణ్ నిర్వహించిన యాగంలో కూడా అన్నా లెజినోవా కనిపించలేదు. ఈ పరిస్థితులన్నిటిని దృష్టిలో పెట్టుకొని ప‌వ‌న్ క‌ల్యాణ్ అన్నా విడిపోయారంటూ పుకార్లు పుట్టించారు.

పవన్ ని ఇబ్బంది పెట్టడం కోసం దుష్ప్రచారంగా వైసీపీ వాళ్లు చేస్తున్ పని ఇది అని ప‌వ‌న్ అభిమానులు భావించారు ఈ క్ర‌మంలోనే ఒకే ఒక్క ఫొటో రిలీజ్ చేసి పుకార్ల‌కి చెక్ పెట్టారు. పవన్ కళ్యాణ్, శ్రీమతి అనా కొణిదెల వారాహి విజయ యాత్ర తొలి దశ దిగ్విజయంగా పూర్తి చేసుకొని.. హైదరాబాద్ లోని తమ నివాసంలో నిర్వహించిన పూజాదికాలలో పాల్గొన్నారు. శాస్త్రోక్తంగా చేపట్టిన ఈ ధార్మిక విధులను పవన్ కళ్యాణ్, శ్రీమతి అనా కొణిదెల దంపతులు నిర్వర్తించారు. ఈ ఫోటోను అధికారిక ట్విట్టర్ ఖాతాలో పోస్ట్ చేసింది జనసేన టీమ్. దీంతో వైసీపీ శ్రేణులు పుట్టించిన పుకార్లకి పులిస్టాప్ ప‌డింది.