Pawan Kalyan : దోపిడీలు, దొమ్మీలు చేసేవాడా నాకు సీఎం.. ప‌వ‌న్ క‌ళ్యాణ్ ఫైర్..

Pawan Kalyan : ఏపీలో రాజ‌కీయాలు రోజురోజుకి చాలా ఇంట్రెస్టింగ్‌గా మారుతున్నాయి. అధికారం ద‌క్కించుకునే క్రమంలో ఒక‌రిపై ఒకరు దారుణ‌మైన విమ‌ర్శ‌లు చేసుకుంటున్నారు. ముఖ్యంగా జ‌న‌సేనాని ప‌వ‌న్ క‌ళ్యాణ్.. వైసీపీ నాయ‌కుల‌పై దుమ్మెత్తిపోస్తున్నారు. అడ్డ‌గోలు దారులలో వ‌చ్చి, దోపిడీలు, దొమ్మిడీలు చేసేవాడు మ‌న ప్ర‌జా ప్ర‌తినిధులు అంటే అస‌లు స‌హించేది లేదు. వాళ్ల‌కు మ‌నం గులాం గిరి చేస్తూ బ్ర‌త‌క‌లా. చిన్న‌ప్ప‌టి నుండి ఇది నా మ‌న‌సులో బ‌లంగా ఉండేది. నేనెప్పుడు డ‌బ్బుకు ఆశ‌ప‌డ‌లేదు. ఎంతో అభిమానం ఉన్నా కూడా దానిని నా కోసం వాడుకోలేదు. దేశ నిర్మాణం కోసం మాత్రమే వాటిని వాడ‌తానంటూ ఆస‌క్తిక‌ర వ్యాఖ్య‌లు చేశారు ప‌వ‌న్.

‘జగనన్న విద్యా కానుక పేరిట నాసిరకం బ్యాగులు, బూట్లు విద్యార్థులకు ఇచ్చి కోట్లు కొల్లగొట్టడానికి దారులు వెతికిన ప్రభుత్వ పెద్దలకు.. ఉన్నతాశయంతో ఏర్పాటైన ఈ కళాశాలకు రూ.2 కోట్లు ఇచ్చేందుకు దారులు కనపడలేదంటే ఆశ్చర్యమే.ఈ ప్రభుత్వ విద్యా విధానం చూస్తుంటే “ఉట్టికి ఎగరలేనమ్మ స్వర్గానికి ఎగిరిందంట!” అన్న సామెత గుర్తుకు వస్తోంది. ఉగ్గు పాలతోనే పిల్లలందరికి ఇంగ్లీష్ నేర్పుతామంటున్నజగన్ సర్కారు .. ఉన్నతమైన ఆశయంతో ఏర్పాటైన మచిలీపట్నం కళాశాలను ఎందుకు రక్షించడం లేదో అర్థం కావడం లేదు అని ప‌వ‌న్ ఆగ్ర‌హం వ్య‌క్తం చేశారు. వైసీపీ సర్కారు… ఈ కళాశాల పునర్ వైభవానికి కృషి చేయకపోతే ఎన్నికల అనంతరం జనసేన పార్టీ ఆ బాధ్యతను తీసుకుంటుంది’’ అని పవన్ కళ్యాణ్ హామీ ఇచ్చారు.

మ‌రోవైపు పీపీలో అధ్వానంగా ఉన్న రోడ్లపై తెలుగుదేశం – జనసేన పార్టీలు రెండు కలిసి ‘గుంతల ఆంధ్రప్రదేశ్‌కు దారేది’ పేరుతో 18, 19 వ తేదీల్లో నిరసనలు చేపట్టాలని పిలుపునిచ్చాయి. ఈ మేరకు ఓ కార్టూన్‌‌ను పవన్ కళ్యాణ్ పోస్ట్ చేశారు. బస్సు, ఇతర వాహనదారులు గుంతల్లో పడి పైకి ఎగురుతున్నట్లుగా వ్యంగ్యంగా ఈ చిత్రం ఉంది. జనసేన, టీడీపీ నేతలు, కార్యకర్తలారా గుంతల రోడ్లతో ఎన్నాళ్లు మనకు ఈ పాట్లు అని ఎక్స్‌లో పవన్ కళ్యాణ్ పోస్ట్ చేశారు.