Pawan Kalyan : అంబ‌టి రాంబాబు వ్యాఖ్య‌ల‌పై స్పందించిన ప‌వ‌న్.. కాస్త త‌గ్గించుకోమంటూ ఫైర్..

Pawan Kalyan : జ‌న‌సేన అధినేత ప‌వ‌న్ క‌ళ్యాణ్‌పై వైసీపీ నాయ‌కులు దారుణ‌మైన కామెంట్స్ చేస్తుండ‌డం మ‌నం చూస్తూనే ఉన్నాం. మ‌రోవైపు ప‌వ‌న్ క‌ళ్యాణ్ కూడా వారిపై అదే రేంజ్‌లో రెచ్చిపోతున్నారు. బ్రో సినిమాలో మంత్రి అంబటి రాంబాబు గతంలో చేసిన డాన్స్ ను పోలుస్తూ నటుడు పృథ్వి క్యారెక్టర్ ఉంది. అంటే కాదు పేరు కూడా శ్యామ్ బాబు అని పెట్టడం మరింత వివాదానికి కారణమైంది. పైగా నటుడు పృథ్వి,ఇతర నటులు కూడా ఈ క్యారెక్టర్‎పై చేసిన కామెంట్స్ మంత్రి అంబటి రాంబాబుకు చిర్రెత్తుకొచ్చేలా చేసాయి. మొదటి రోజు పెద్దగా పట్టించుకోని అంబటి.. ఆ తర్వాత జరుగుతున్న పరిణామాలతో తీవ్ర స్థాయిలో స్పందించారు.

సినిమా అట్టర్ ఫ్లాప్ అయిందని అందుకే వివాదాలు సృష్టించి కలెక్షన్లు పెంచుకునే ప్రయత్నాలు చేస్తున్నారని ఆరోపించారు. పవన్ కళ్యాణ్ వారాహి వాహనంను తన కాళ్ళ కింద పెట్టుకోవడంతో అమ్మవారికి కోపం వచ్చిందని అన్నారు. పవన్ కళ్యాణ్ జీవితంపై త్వరలో సినిమా తీస్తున్నట్లు మంత్రి అంబటి రాంబాబు చెప్పారు. ఈ సినిమాకు బ్రో టైటిల్ మాదిరిగా మ్రో అని పెడతామన్నారు. మ్యారేజెస్/రిలేషన్స్-అఫెండర్ ను కలిపి మ్రో అనే పేరు పెట్టే ఆలోచన ఉందన్నారు. ఆ సినిమా స్టొరీ ఎంటనేది కూడా మంత్రి అంబటి వివరించారు. ఇంత ర‌చ్చ జ‌రుగుతున్న స‌మయంలో జ‌న‌సైనికులు కూడా అంబ‌టి రాంబాబుపై సినిమా తీస్తామని చెప్పి ప‌లు టైటిల్స్ అనౌన్స్ చేశారు.

ఇక ర‌చ్చ పీక్స్‌కి వెళుతున్న స‌మయంలో ప‌వ‌న్ క‌ళ్యాణ్ స్పందించిన‌ట్టు తెలుస్తుంది. నా సంస్కార‌మే నా బ‌ల‌హీనం. నా తల్లిదండ్రులు నేర్పిన నా సంస్కారం కొన్ని సార్లు నాకు అడ్డొస్తుంటుంది. నన్ను ద్వేషించిన నా శత్రువు ఇంటికి వ‌చ్చిన కూడా అన్నం పెట్టి పంపిస్తాను. వారి నా ద‌గ్గ‌ర‌కి వ‌స్తే సాద‌రంగా ఆహ్వానిస్తాను. విబేధాలు ఉండొచ్చేమో కాని వారు నా ద‌గ్గ‌ర‌కు వ‌చ్చిన‌ప్పుడు సాద‌రంగా ఆహ్వానిస్తాను అని ప‌వ‌న్ క‌ళ్యాణ్ అన్న‌ట్టు తెలుస్తుంది.