Pawan Kalyan : వైసీపీ నాయ‌కులు పవన్ కళ్యాణ్పై విరుచుకుప‌డుతుండ‌డం మనం చూస్తూ ఉన్నాం. జనసేన అధినేత పవన్ కళ్యాణ్పై నగరి ఎమ్మెల్యే రోజా ఫైర్ అయ్యారు. చదువులేనోడు నోటికి వచ్చినట్లు మాట్లాడుతున్నారని విమర్శించారు. పవన్ కల్యాణ్ ఒక విశ్వాసపాత్రమైన పెంపుడు జంతువు లాంటివారే తప్ప ప్రజాసేవకు తగిన మనిషి కాదన్నారు. అయితే తాజాగా పవన్ కళ్యాణ్ ఇన్ డైరెక్ట్‌గా రోజాపై త‌న‌దైన శైలిలో పంచ్‌లు వేశారు.పవన్ తన పొలిటికల్ మీటింగ్ లో మాట్లాడుతూ.. “యువత ఒకటి గుర్తుపెట్టుకోవాలి. పుష్ప లాంటి సినిమాలు చూడడానికి బాగుంటాయి. కానీ నిజ జీవితంలో అలా చేయడం తప్పు కదా. ఎర్రచందనం కొట్టేవాడిని మనం ఎలా మన బుజాల పైకి ఎక్కించుకోగలం” అంటూ వ్యాఖ్యానించారు.
ప్రస్తుతం ఈ కామెంట్స్ నెట్టింట వైరల్ గా మారాయి. కాగా పవన్ కళ్యాణ్ పుష్ప సినిమా గురించి మాట్లాడడం ఇదేం తొలిసారి కాదు.గతంలో కూడా పలు పొలిటికల్ మీటింగ్స్ లో పవన్ ఈ సినిమా గురించి మాట్లాడారు. అయితే ఆ సమయంలో.. అల్లు అర్జున్ యాక్టింగ్ గురించి, తనకి వచ్చింది నేషనల్ అవార్డు గురించి గొప్పగా మాట్లాడుతూ వచ్చారు. అయితే ఈసారి పుష్ప కథ గురించి మాట్లాడుతూ కామెంట్స్ చేసారు. ఇప్పటి యువత సినిమాలోని కొన్ని కథలని చూసి ఎంజాయ్ చేయండి, అలా కాకుండా నిజ జీవితంలో అవే కథలని అనుసరించడం అనేది తప్పు అవుతుందని పవన్ చెప్పుకొచ్చారు.
నిజజీవితంలో ఎర్రచందనం స్మ‌గ్లింగ్ చేసే వారిని భుజాల‌పైకి ఎక్కించుకోం.డ‌బ్బులు సంపాదించ‌డానికి చాలా మార్గాలు ఉన్నాయి. అంతేకాదు శ్రీవారి సొత్తుని దోచేయ‌డం కాదు. టీడీపీని అడ్డు అదుపు లేకుండా దోచేస్తున్నారు. ఓ అన్యాయం జ‌రిగితే, పార్టీలు మారితే, ప్ర‌భుత్వం మారిన ఎదురించి నిల‌బ‌డ‌క‌పోతే ఎవ‌రు ఏం చేయ‌లేరు అంటూ పవన్ కళ్యాణ్ షాకింగ్ కామెంట్స్ చేశారు.
